Mətbuat-Monitorinq 01.07.15

Rəsmi qəzetlər Avropa Oyunları ilə bağlı mövzulara önəm veriblər. Bundan əlavə, “Azərbaycan” qəzetinin redaktoru, deputat Bəxtiyar Sadıqov “İlham Əliyevin olimpiadası” adlı yazısını dərc etdirməklə bu idman oyunlarının xalqa aidiyyatının olmamasını gündəmə gətirib.

“Azadlıq” qəzeti “Moody”s reytinq agentlyinin Azərbaycan banklarının reytinqini “stabil”dən “neqativ”ə endirməsini “ABŞ-dan ölkənin bank sisteminə “qara xəbər” adı ilə ilk səhifəyə çəkib.

Qəzet yazır ki, Meydan TV-nin 4 əməkdaşı ölkədən xaricə buraxlımayıb,  Meydan TV-nin direktoru Emin Milli isə nazir Azad Rəhimov tərəfindən hədələnb.  

Politoloq Hikmət Hacızadəyə görə, iqtidarın Avropa Oyunlarında piarına xərcləmək istədiyi milyardlar əslində demokratiyaya xidmət etdi.

Milli Şuranın sədri Cəmil Həsənli Azərbaycanın qazandığı medalların 40%-nin legionerlərin payına düşməsini ölkədə “milli komanda” olmamasının göstəricisi hesab edir.

Qəzet “Şıx” çimərliyinın yanındakı “Dostluq” parkında bina tikintisinə görə 7 saylı Mənzil- İstismar İdarəsinin rəisi və Bibiheybət bələdiyyəsinin baş memarının həbsə alındığını nəzərə çatdırır. 7 saylı həbsxanada məhbus olan Cavanşir Orucov müəssisədə heroinin tum kimi açıq satıldığını bildirir.

Vergilər Nazirliyinin Vergi Cinayətlərinin İbtidai Araşdırması Departmenti də borclu sahibkarları gətirərək günlərlə burada saxlayır.

“Ekspress”  Rusiya prokurorluğunun Baltikyanı ölkələrin müstəqilliyinin tanınmasının qanuniliyini yoxlamasına “imperiya xortlayır?” reaksiyasını önə çəkib.  

Qəzet Milli Bankın bütün banklara komisyon haqlarının  kredit məbləğinin 1%-ni keçməməsi haqda qərar verib. Əhalinin kredit borclarının silinəcəyi haqda yayılan xəbərlərə banklardan “əhalinin kredit borclarını silmək hökumətin nəyinə lazımdır ki?” qarşılığı verilib.

“Novoe Vremya” Kral İnstitutunun Qarabağ separatçılarının liderini Londona dəvət etməsini diqqət mərkəzinə çəkib.

“Bizim yol” Moody”s şirkətinin Azərbaycan banklarında problemli kreditlərin həcmini 15%-i keçəcəyini bəyan etməsini “ölkə bankları ilə bağlı şok hesabat” adı ilə ilk səhifəyə yerləşdirib.

Qəzet Rusiya prokurorluğunun Baltikyanı ölkələrin müstəqilliyinin tanınmasını “vətənə xəyanət”(?) kimi dəyərləndirməsini “Rusiyadan sensasiyalı qərar” kimi dəyərləndirir.

Deputat Vahid Əhmədov əhalinin kredit borclarının silinəcəyilə bağlı yayılan xəbərlərə “kimsə bu yalanı ortaya ataraq insanlar arasında çaşqınlıq yaradır” mövqeyini ifadə edib.

“Yeni Müsavat” Azərbaycanın Qarabağda “ildırımsürətli” müharibə aparmağa hazırlaşması” iddiasını manjetə çıxarıb.

Qəzet hazırda yaşanan yunan böhranını TANAP və TAP qaz kəmərlərinin çəkilişləri üçün “daha bir təhlükə” kimi dəyərləndirib.

Qəzetə görə, ekspertlər ölkənin mənzil bazarında mənzillərin 10%-ə qədər ucuzlaşacağının gözlənildiyini bəyan ediblər. 

Deputat Əsabəli Qasımovun qohumu onun 200 minlik evini qumarda uduzub, deputat isə buna görə qarovulçunu həbsə aldırıb.

İş adamı Dönməz Məmmədov marşrut xəttinin əlindən zorla alınaraq Heydər Əsədovun qardaşına verilməsinə etiraz olaraq özünü yandıracağını bəyan edib.