Mətbuat-Monitorinq 01.09.14
Rəsmi qəzetlər dövlət başçısı İlham Əliyevin Füzuli rayonunun sosial-iqtisadi inkişafı, Birinci və 10-cu qayıdış qəsəbələri arasında avtomobil yolunun tikintisi üçün 4 milyon manat vəsaitin ayrılması haqda sərəncamlarının mətnlərini ilk səhifələrə yerləşdiriblər.
“Azadlıq” qəzeti bu günlərdə PA rəhbərliyinin KİV rəhbərləri ilə keçirdiyi toplantını ilk səhifəyə çıxararaq bunu “hakimiyyətin müstəqil media imitasiyasına son qoyması” adlandırır. Ekspertlər isə toplantını hökumət KİV-lərinin demokratiya üzərinə savaşa keçmək üçün əmr alması kimi dəyərləndirirlər.
Dövlət başçısı İlham Əliyevin Beyləqanda keçirdiyi görüşdə ölkənin müxalifət qüvvələrini pula hərislikdə ittiham etməsinə cavab olaraq qəzet Əliyevlərin ailə biznesinə aid olan iri obyektlərin adlarını qəzetdə açıqlayıb.
Azərbaycanın hüquq-mühafizə orqanları 160-a qədər vətəndaşı İnterpol xəttilə axtarışa verib, bunların çoxu vergidən yayınmaya görə axtarılır.
“Yeni Müsavat” Rusiya-Qərb gərginliyi fonunda baş verən hadisələri önə çəkərək Azərbaycanın da daxil olduğu regionun böyük müharibə astanasında olması, rəsmi Bakı üçün “Qərb yoxsa Rusiya” kritik seçimi zamanının sürətlə daralması kimi dəyərləndirir.
Hərbi hissələrdə əsgərlərin yemək bişirmək, təmizlik işləri aparmaq kimi köməkçi işlərin mülki vətəndaşlara etibar olunması haqda rəsmi Bakının bəyanatını hərbi ekspertlər müsbət qarşılayıblar.
QHT rəhbəri Qubad İbadoğlu hazırda QHT-lərlə bağlı gedən istintaqın vaxtilə “haqqin.az” saytında gedən yazıdakı ittihamdan heç nə ilə fərqlənmədiyini bildirərək bu şəxslərin ölkədə “inqilab hazırlamaqda” ittiham olunduqlarını deyib və ittihamı cəfəngiyyat adlandırıb.
-
- İqtisadiyyat
- 30 Avqust 2014 22:28
-
- Siyasət
- 1 Sentyabr 2014 12:25
Cəmiyyət
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
Rəy yaz