Müsavat Partiyası siyasi məhbuslara azadlıq tələb edir

Müsavat Partiyası son aylarda ölkədə baş verən həbslərə,  o cümlədən, “Azadlıq” qəzetinin əməkdaşı Seymur Həzinin həbsinə etiraz bəyanatı yayıb.

Bu həbslər Azərbaycan hakimiyyətinin demokratiya imitasiyasından belə imtina etməsi, demokratik qüvvələrə qarşı total repressiyalara start verməsi kimi dəyərləndirilir. Sənəddə Seymur Həzinin polis tərəfindən saxlanması jurnalistin şərlənməsi kimi qiymətləndirilir. Müəlliflər qeyd edirlər ki, S.Həzi dəfələrlə müxtəlif təzyiqlərə məruz qalsa da hüquq-mühafizə orqanları tərəfindən bu araşdırlmayıb. Bunun həbs planlaşdırılmış həbs olduğu iddia edilir. Onun barəsində Abşeron məhkəməsinin 2 aylıq həbs qətimkan tədbiri seçdiyi vurğulanır.

S.Həzinin rəsmi Bakının ifadə azadlığına dözümsüzlüyünün nümunəsi və ölkədə davam edən geniş miqyaslı repressiyaların davamı sayılır.

Müəlliflər bu həbsi qəti şəkildə pisləyir, hakimiyyətdən fərqli düşünənlərə qarşı siyasi repressiya tədbirlərinə son qoyulmasını, S.Həzi və digər siyasi məhbusların həbsdən azad olunmasını tələb edir.-05D-