Rəsmi qəzetlər dövlət başçı İlham Əliyevin 2015-ci il gənclər üçün Prezident mükafatlarının 5 gəncə verilməsi haqda sərəncamının mətnini ilk səhifələrə yerləşdiriblər.
“Azadlıq” qəzeti Yunanıstana məxsus DESFA neft şirkətinin SOCAR tərəfdən satın alınması haqda 400 milyonluq müqaviləni rəsmi Afinanın ləğv etməsini manjetə çıxarıb.
ABŞ-ın reytinq şirkətlərindən “Standart & Poors”un Azərbaycanın kredit reytiniqini mənfi proqnozlaşdırmasını yazan qəzet bunu ABŞ-da Azərbaycana “bəd xəbər” kimi dəyərləndirir.
Narkotik maddə ilə şərlənərək həbs edilən AXCP təşkilat şöbəsinin müdiri Rafiq Daşdəmirlinin oğlu Sənan Daşdəmirlinin səhhətində ciddi problemlər yaranıb.
Rəsmi Bakının bir neçə böyük layihənin icrası ilə bağlı 30 milyard dollara yaxın vəsait xərclənəcəyini bəyan etməsini ekspertlər hökumət inkişaf haqda “nağıllar”ın” ölkəni uçuruma aparması kimi şərh edirlər. Ölkədəki iqtisadi durumu təhlil edən ekspertlər avronun ucuzlaşmasının Neft Fondunun aktivlərini dəyərdən salacağı, maliyyə itkilərinin daha da artacağı barədə xəbərdarlıq ediblər.
Qəzet Şəmkir Rayon İcra Hakimiyyətinin başçısı Aslan Aslanovun oğlu Ruslan Aslanovun qətlilə bağlı ömürlük həbs cəzası alan Vüqar Əliyevin saxlanıldığı zaman hansı işgəncələrə məruz qalması haqda yazısını dərc edib.
“Yeni Müsavat” ABŞ-ın Azərbaycandakı səfiri Sekutanın Azərbaycana barış “missiyası” ilə gəlməsi iddiasını önə çəkərək bu ehtimalı “Bakı-Qərb münasibətlərində “daşları yığmaq” zamanı kimi şərh edir.
Keçən ilin sonunda 14 saylı həbsxanada dustaq Elşad Babayevin qətlinə etiraz olaraq qiyam etdiklərinə görə işgənclərə məruz qalan 11 dustağa yaxınları ilə görüş verilmir.
Rusiyanın bir vətəndaşının ölümcül ebola virusuna yoluxması ilə bağlı tibb ekspertləri Azərbaycanın səhiyyə sisteminə müvafiq qabaqlayıcı tədbirlər görmək çağırışı ediblər.
Qəzet qeyd edir ki, Hövsandakı 119 saylı məktəbin direktoru sakinləri təhqir etdiyinə görə yanvarın 19-da aksiya keçirən sakinlər polisə çağırılaraq “müxalifətçi olmaqda, iğtişaşlar törətməkdə” ittiham edilirlər.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz