Mətbuat-Monitorinq 02.04.13

Rəsmi və hökumətyönlü qəzetlər dövlət başçısı İlham Əliyevin köçkünlər üçün tikilən evlərin açılışında iştirakı haqda yazırlar. Bu qəzetlər aparıcı müxalifəti təhqirə məruz qoyaraq qarşıdakı prezident seçkisində şansı olmadığını iddia edrilər. 

“Azadlıq” qəzeti ruhani Taleh Bağırzadənin həbsinə etiraz olaraq Nardaran kəndində keçirilmiş etiraz aksiyasını və aksiyanın iqtidara “bil ki, bu şəhadət və həbslər sənin axırına çıxacaq, necə ki, Yezidin axırına çıxdı” mesajını manjetə çıxarıb.   

Sosial tələblərlə Qəbələ və Lənkəranda etiraz aksiyaları keçirilib, vətəndaşlar maaşların ala bilməmələrindən şikayət ediblər. AXCP fəal siyasi gənclərə qarşı iqtidarın repressiya siyasətinə “boğaza yığılmış xalqı zor gücünə susdurmaq mümkün olmayacaq” bəyanatını səsləndirib. Siyasi partiyalar etiraz aksiyalarında iştirak edən gənclərin həbslərini iqtidarın aksiyaların kütləvi xalq hərəkatına dönməsi qorxusu ilə izah ediblər.

“Zerkalo” Bakıda Güney Azərbaycanla bağlı keçirilən tədbirə rəsmi Tehranın nota ilə cavab verməsini qəzet “adekvat olmayan cavab” adlandırır.

Ekspertlər son zamanlar siyasi fəalların narkotik maddə vasitələri saxlaması adı həbslərinə “narkomaniyanın siyasi gerçəkilik amilinə dönməsi” şərhi verirlər. Şərəf və ləyaqətin tapdanması adı ilə müstəqil qəzetlərin ən ağır cəzalara məruz qaldığını yazan qəzet, eyni addımı atan hökumət qəzetlərinə təzyiqlərin olmamasına “onları nəyə görə təqib edək?” ironiyası ifadə edir.

“Ekspress” qəzeti vaxtilə İranın xarici işlər naziri olmuş Əli Əkbər Vilayətinin “Azərbaycan” adlı kitabında Azıərbaycan ərazilərini “İranın bölgələri” kimi göstərməsinə diqqət çəkir.

“Exo” ictimai qurumlara istinadən ölkədə minlərlə azərbaycanlı uşağın hər hansı sənədə malik olmamasını yazaraq onlarıə “gözəgörünməz uşaqlar”  adlandırır. 

Ekspertlər  tikinti standartlarına əsasən torpağın hər hektarında 450, seysimik zonada isə 350 insan yaşamalı olduğunu, amma Statistika Komitəsi bu uçotu aparamadığı üçün Azərbaycanda durumun necəliyinin bəlli olmadığını bildirirlər.

“Novoe Vremya” ictimai fəallığına görə ruhani Taleh Bağırzadənin həbsinə “yenə də repressiyalar... iqtidar daha yaxşı olanı anlamaq gücündə deyil” mövqeyini ifadə edir.

“Bizim yol” əsassız ittihamlarla həbs edilən ruhani Taleh Bağırzadəyə Nardaran kəndində keçirilən aksiyada azadlıq tələb olunmasını “iqtidara ultimatum verilməsi” kimi şərh edir.

Naxçıvan sakini Nazim Mahmudov sərhəddə Türkiyə polisi tərəfindən döyülüb, o, ekspertizadan keçirilib, həkimlər işgəncə verilməsini təsdiq ediblər, polisləri məhkəmə gözləyir.

“Yeni Müsavat” qəzeti ilahiyyatçı Taleh Bağırzadənin həbsinə etiraz olaraq Nardaran kəndində keçirilən aksiyanı “tanınmış ilahiyyatçınını həbsinin paytaxtı qarışdırması” kimi dəyərləndirir.

Bakıda Güney Azərbaycanla bağlı keçirilən tədbirlə bağlı İranın Azərbaycana nota verməsini Güney hərəkatçıları “haidsələrin gedişindən İranın narahatlığı”  kimi dəyərləndiriblər. Qəzet ABŞ-ın Azərbaycanda səfiri Riçard Morninqstar barədə məqalə dərc edərək ona “ən böyük səfir İlham Əliyevin texnoloqu rolunda”  baxışı sərgiləyir.