Mətbuat-Monitorinq 02.05.15

Rəsmi qəzetlər dövlət başçısı İlham Əliyevin Macarıstanın Azərbaycandakı səfiini və Beynəlxalq Valyuta Fondunun icraçı direktoru müavinin başçılıq etdiyi nümayəndə heyətini qəbul etməsi xəbələrini ilk səhifədə yerləşdiriblər.

“Azərbaycan” qəzeti ABŞ Dövlət katibi Con Kerrinin “antiazərbaycançı mövqe”də olmasına, Amerika cəmiyyətinin irqi ayrı-seçkliklə üz-üzə qalmasına dair dərc etdiyi məqalələrlə anti-ABŞ kampaniyasını davam etdirir. 

“Azadlıq” qəzeti hökumətyanlı mediada ABŞ-ın Azərbaycanda “dövlət çevrilişi planları” ilə bağlı silsilə məqalələrin davam etməsini majetə çıxarıb. Qəzet Milli Şuranın 3 may aksiyasına icazə verilməməsini hökumətin mitinqlərdən qorxması kimi dəyərləndirir. “Facebook”da fəallığına görə aprelin 6-da 25 sutka inzibati cəza ilə verilən AXCP Səbil rayon bölməsinin sədri Saqif Qurbanov azadlığa çıxıb. Qəzet yazır ki, ABŞ Dövlət Departamenti “Mətbuatı azad edin” kampniyası çərçivəsində rəsmi Bakıya jurnalistləri həbsdən azad etmək çağırışı edib. Övladının vəfatı ilə bağlı müvəqqəti azadlığa buraxılan Tofiq Yaqublunun əfv olunmamasını qəzet “iqtidarın mənəvi dayazlığının göstəricsi” adlandırır. Milli Şura sədri Cəmil Həsənliyə görə, rəsmi Bakının davam edən anti-Qərb kampaniyası Riqada Avropa İttifaqı ilə assosiativ sazişi imzalamaqdan imtina etmək üçündür.

Rusiyanın “Geologix Group” şirkətinin Qarabağda qızıl hasilatına başlamasına rəsmi Bakının susmasını politoloqlar “etirazın baha başa gələcəyindən hökumətin ehtiyatlanması” kimi şərh edirlər. Rəsmi Bakının bütün ölkədə vahid dərəman qiyməti haqda bəyanatlarına ekspertlər “müvəqqəti addım” sayırlar.

“Ekspress” qəzeti Türkiyənin eks-prezidenti Abdulla Gülün Qarabağ münaqişəsinin tənzimlənməsi üzrə Minsk qrupu ölkələrinə “Rusiya və Fransanın ədalətliu rəftarına necə inana bilərik?” bəyanatını diqqət mərkəzinə çəkib.

“Novoe Vremya” qəzeti Neft Fondunun aktivlərinin 6% azalmasına “Neft Fondunin “əriməsi” qənaətini ön plana çıxarıb.

Qəzet ərzağın əksər hissənin xaricdən gətirildiyi halda rəsmi Bakının mütəmadi ərzaq təhlükəsizliyinin təmin olunması haqda bəyanatlarına “ərzaq təhlükəsizliyi: yerində qaçış?” ironiyası ifadə edir.

“Bizim yol” qəzeti iş adamı Natalya Kərimovanın “Gəncəbank” rəhbərliyinə qarşı içgəncələrə məruz qoyulması ittihamını ilk səhifəyə yerləşdirib.

Rəsmi Bakının bu günlərdə geni dəyişdirilən məhusllardan imtina etməsinə qəzet “dünya ölkələrinin bu GMO-ları çoxdan menyudan çıxardığını” nəzərə çatdırır.

“Yeni Müsavat” qəzeti SOCAR-ın DESFA şirkətinin şəhmlərini alması ilə bağlı sazişi Yunanıstan hökumətinin pozmasını “Putinin intiqamı: 500 milyon dollarlıq müqavilə pozulur” iddiası ilə ilk səhifəyə çıxarıb.

Partiya sədri Sülhəddin Əkbərə görə, rəsmi Bakının son günlərdəki anti-Qərb kampaniyası “Azərbaycanı da əhatə edən geopolitik qarşıdurmada Avropa Birliyi və ABŞ-ın demokratik qüvvələrə dəstək verə bilməsi narahatlığı” ilə bağlıdır.

Ekspertlər son günlər manatın məznnəsindəki nisbi artıma “manat heç zaman əvvəlki kimi baha olmayacaq” mövqeyi ifadə ediblər.