Vəfa Quluzadənin xatirəsinə
Bu həftə zəngləşdik ki, bir yerdə yaxın dostların əhatəsində oturub şam edək. Bu cür görüşlər son illərin ənənəsi idi. Təşəbbüsçüsü də Vəfa bəy idi. 1999-cu ildə istefa verdikdən sonra yenə də müxtəlif məlumatlarla və fikirlərlə zəngin idi, onları bölüşmək istəyirdi.
Belə görüşlər maraqlı ünsiyyətə, siyasi və ya digər mövzularda debatlara çevrilirdi. Vəfa bəy jurnalistlərə verdiyi müsahibələrdə söyləmədiyi fikirləri söyləyə bilirdi, çünkü özundə də saxlaya bilmirdi.
Lakin budəfəki görüşümüz baş tutmadı. Vəfa bəyin kefi yox idi, ancaq bunu büruzə verməməyə çalışırdı. Son anda görüşməkdən imtina elədi və dedi ki, evdən çıxmağa həvəsi yoxdur.
Ötən gün axşam yaxınları danışırdılar ki, son günlər səhhəti pisləşmişdi və o, halsızlıqdan şikayətlənirdi. Bundan əvvəl isə bizə - ünsiyyətdə olmaq, çay içmək, dincəlmək üçün tez-tez baş çəkdiyi Turan agentliyinin əməkdaşlarına ürəyində ağrıların olduğunu demişdi.
Həmkarlarımız bu bazar ertəsi Vəfa bəyin müayinəsi üçün ən yaxşı klinikaların birinin həkimləri ilə danışmışdılar. Lakin Vəfa bəy fikrini dəyişərək həkimə sonra gedəcəyini dedi. Bu, onun tərzi idi, qərarları dərhal qəbur etmirdi, çox zaman tərəddüd edirdi, işin gedişatı zamanı öz planını dəyişirdi. Hamı bunu bilirdi və təəccüblənmirdi.
Bu səbəbdən mən onu cazmen– improvizasiya sevən, özünü artıq öhdəliklərlə yükləməyən adam adlandırırdım. Bu keyfiyyətlər onu maraqlı həmsöhbətə çevirirdi. O, tez-tez Puşkin, Blok, Yesenin və Vısotskidən sitatlar gətirirdi, yaşının bu çağında belə onları əzbərdən söyləyirdi.
Sovet diplomatiyası məktəbi onun xarakterində dərin iz buraxmışdı. O, bu ənənələri xatırlamağı sevərdi, gənclik illərinin nostalji hisslərini yaşayardı, SSRİ XİN-də çalışdığı dövrdə qadınların rəğbətini qazanmasından danışardı.
Bir “zəif yeri” də lətifələr və real hadisələr idi. Tez-tez ətrafındakılarla bunları bölüşürdü. Bəzi “dəyərli” xatırələri isə pıcıltı ilə danışardı.
Vəfa bəy deyirdi ki, xatirələr kitabı yazmaq istəyir, lakin bir çox “təhlükəli” məqamları açıqlamağın vaxtı hələ çatmayıb. Lakin tale başqa cür hökm verdi, amma o, bir çox əhvalatları danışmağa vaxt tapmışdı..
Allah Rəhmət Еləsin!
-
- Cəmiyyət
- 2 May 2015 14:29
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz