20 yanvar ərəfəsində arxivləri yerbəyer edərkən rəhmətlik həmkarım Fərhad Kərimovun mənə verdiyi fotoşəkillər qovluğuna rast gəldim.
Bu, yanvar faciəsinin qurbanlarının dəfnindən hamıya yaxşı məlum olan fotoşəkillər idi. Onların arasında əlimə keçən bir şəkil diqqətimi çəkdi. Bu, 20 yanvar hadisələrinin 135 qurbanı arasında ən gənc qurban olan 11 yaşlı Larisa Məmmədovanın şəkli idi.
Həmin faciə günlərində Fərhad xarici jurnalistləri şəhərdə gəzdirən, onların 20 yanvar hadisələrini yaşamış insanlarla ünsiyyətinə kömək edən jurnalistlərimizdən biri idi.
Göründüyü qədər, onlar Larisa Məmmədovanın ailəsinə də baş çəkiblər, burada ona mərhumun fotoşəklini veriblər.
Fərhad Kərimov münaqişə zonalarına çox səfər edib və 1995-ci ildə Çeçenistanda faciəvi şəkildə həlak olub.
Səfərlərindən birindən əvvəl o, müxtəlif qaynar nöqtələrdə çəkdiyi fotoşəkilləri Turan agentliyinə gətirib. Larisa Məmmədovanın şəkli də onların arasında idi.
Fotoşəkildə Larisa qohumları və deyəsən, kiçik qardaşı ilə birlikdədir. Şəklin arxa tərəfində ünvan qeyd edilib:
Muxtadır küç., 8, mən. 6
Sonra isə ananın telefon nömrəsi və adı yazılıb: Qalina Qriqoryevna Urvaçeva.
Bu fotoşəkil Turan agentliyində saxlanır. Onu Larisa Məmmədovanın ailəsinə verməyə hazırıq.
Şahin Hacıyev,
Redaktor
Söz istəyirəm
-
Yanvarın 7-də prezident İlham Əliyevin yerli telekanallarla mətbuat konfransında Real TV-nin nümayəndəsi belə bir sual verdi: "Trampı bizimlə bir gəmidə görürsünüz..."
-
Çıxışıma təşəkkürlərlə başlamaq istəyirəm. Həyatımın hər mərhələsində yanımda olan ailəmə, yaxın qohumlarıma, dostlarıma təşəkkür edirəm. Şərlənərək həbs edildiyimə görə fiziki olaraq azadlıqdan məhrum edilsəm də, ilk andan bu günə qədər bütün maddi-mənəvi çətinliklərə baxmayaraq, onların yanımda olmasının nə qədər dəyərli olduğunu sözlərlə ifadə etmək mümkün deyil.
-
Azərbaycan hökümətinin 10 il bundan qabaq başladığı və bu günə qədər yarımçıq qalmış olduqca vacib bir islahatdan qısaca bəhs etmək istəyirəm.
-
Bizim cəmiyyətdə işıqlı insanların yeri günəşin altı olmur. Bizim cəmiyyətdə işıqlı insanların yeri günəşin altı olmur. Qaranlıq zirzəmilər olur. İşıq saçmalı olan insanlara küfr yağdırılır. Onların yeganə silahları parlaq ideyalarıdır. Onların yeganə suçu cəmiyyətdə dumanların altında gizlədilmiş həqiqətləri dartıb üzə çıxarmaq və onunla cəmiyyət üzvlərini tanış etmək cəsarəti ilə bağlıdır. Natiq Cavadlı bir jurnalist olaraq belə bir tarix şüuruna və maarifçi bir fəaliyyətə malik insan idi.
Rəy yaz