Mətbuat-Monitorinq 02.12.15

Rəsmi qəzetlər dövlət başçısı İlham Əliyevin Naxçıvan səfəri haqda foto və xəbərləri ilk səhifələrdə yerləşdiriblər.

“Azərbaycan” qəzeti Nardaranda baş verən hadisələri “Azərbaycanın konstitusiya normalarının Nardaranda bərpa olunması” adı ilə təqdim edir.

“Azadlıq” qəzeti Nardaranda “xüsusi əməliyyat” keçirilməsi ilə bağlı xəbəri ilk səhifəyə çıxarıb.

Şabranda ov etmək üçün uyğun sənədlərə malik olmayan 12 nəfər ovçu 7 min manat cərimə edilib.

“Sevil Massivi” Mənzil-Tikinti Kooperativinin mənzil tikintisi adı ilə aldatdığı vətəndaşlar PA önündə aksiya keçiriblər, burada aldadılan vətəndaşlara ölkə prokuroluğuna getmək tövsiyəsi edilib.

Gəncədən yeni deputat seçilən Naqif Həmzəyev adlı şəxs M.Rəsulzadəni təhqir etdiyi üçün M.Rəsulzadənin nəvəsi Rəis Rəsulzadə deputatı məhkəməyə verməyə hazırlaşır

Milli Şura “Nardaran əməliyyatı”nın səriştəsiz aparılmasını, ölümlərə səbəb olmasını pislədiyinə görə iqtidar qurumu “terrora dəstək verməkdə” ittiham edən təbliğata başlayıb.

Qəzet rəsmi Bakının Azərbaycanı dağıtmaq istəyən “xarici qüvvə” adı ilə daim tənqidçilərinə qarşı bu arqumentlərdən istifadə etdiyini nəzərə çatdırır.

Dünyanın ən nüfuzlu jurnallarından “Foreign Policy” 17 dəfə dünyanın ilk 100-lüyə düşən “düşüncə insanları” siyahısını təqdim edib, bu siyahıda Azərbaycandan Xədicə İsmayıl yer alıb və “Holme” qəhrəmanlıq mükafatına layiq görülüb.

“Ekspress”  Nardaranda keçirilən xüsusi əməliyyatı kəndin tam nəzarətə alınması kimi dəyərləndirərək diqqət mərkəzinə çəkib.

Ekspertlər regionlarda çölə atılan heyvan leşləri ilə dükan, restoran və şadlıq evlərini “təchiz” edən şəbəkələrin olduğunu iddia edirlər.       

“Exo” ekspertlərə isnadən bildirir ki, su sisteminin köhnəliyi ucbatından Bakıya daxil olan bütün suyun 70%-ə yaxını itkiyə gedir.

“Bizim yol”  Nardaranda xüsusi əməliyyat keçirilməsini ilk səhifədə yerləşdirib.

Bakı Apellyasiya Məhkəməsi “nurçuluq təriqəti”ni yayma adı ilə barəsində həbs qətimkan tədbiri seçilmiş 5 nəfərin işini yenidən Yasamal Rayon Məhkəməsinə qaytarıb.

Xəzər Rayon Polis İdarəsinin müstəntiqi Rövşən Cavadov Aynur Rüstəmovdan alınan və qaytarılan 150 manat pul ilə bağlı 6 gənci işgəncə yolu ilə “quldurluq” etdikləri barədə ittihamı imzalamağa məcbur edib.  

“Yeni Müsavat”  polisin Nardaranda xüsusi əmliyyat keçirməsini “iqtidarın Nardaranı dalandan çıxarması, qətiyyətli addımlar atması” kimi dəyərləndirərək ilk plana çəkib.

Ölkənin bir sıra partiyaları müxalifətin tanınmış simalarından Pənah Hüseynin 7 qohumuna qarşı cinayət təqibindən ciddi şəkildə narahatlıq keçiridiklərini bəyan ediblər.     

Qəzet yazır ki, silsilə cinayətlərə görə 2005-ci ildə həbs edilərək ömürlük cəza alan dəstə başçısı Hacı Məmmədovun vəkil tutaraq həmin cinayətlərin yenidən  araşdırılması tələbi MTN-in keçmiş şefi Eldar Mahmudov və ətrafını narahat edib.

Ölkənin mənzil bazarında durğunluğun yanvar ayında da davam edəcəyini deyən ekspertlər ev almağı məsləhət görmədən “tələsənlərin uduza biləcəyi” barədə xəbərdarlıq ediblər.