Mətbuat-Monitorinq 03-04.03.13

Rəsmi qəzetlər Səfərbərlik və Hərbi Xidmətə Çağırış üzrə Dövlət Xidməti hərbi qulluqçularının hərbi geyim forması və fərqlənmə nişanları haqda Əsasnaməsinin mətn və təsvirlərini dərc ediblər. 

“Azadlıq” qəzeti keçmiş rektor Elşad Abdullayevin qardaşı Mahir Abdullayevin oğurlanması ilə bağlı yayacağı videomaterialların birində ad çəkmədən bir icra başçısı və nazirlərdən birinin qardaşının görüntüsü olacağını manjetə çıxarıb. 

İctimai-siyasi blokda “Facebook”da keçirilən sorğuda müxalifət liderlərinin dövlət başçısından iki dəfə artıq səs toplaması nüfuz baxımından “müxalifətin İlham Əiyevi yenə də geridə qoyması” kimi şərh edilir. 

2005-ci il martın 2-də qətlə yetirilmiş jurnalist Elmar Hüseynovun atası Sabir Hüseynovun oğlunun qatillərini Gürcüqstanda axtarmasına vəkil Qurban Məmmədov “Elmarın qətlini sifariş verənlər Azərbaycan iqtidarının içindədir” bəyanatını verib. 

“Ronai” kürd mərkəzinin qururltay keçirməsi “kürdlərin Azərbaycanda fəallaşması” adlandırılır.

Məmur özbaşınalığı ilə bağlı bu qədər audio-video materialların olmasına baxmayaraq, bu halın qarşısının alınmamasını siyasilər “iqtidarın məmur özbaşınalığını durdurmağa maraq göstərməməsi” kimi dəyərləndiriblər. 

Bərdə korpusunda aparılan yoxlamalar zamanı maliyyə pozuntlıları ilə bağlı bir sıra şəxslər həbsə alınıblar. 

Dövlət başçısı İlham Əliyevin 12 fevral müşavirəsində məmurları ciddi tənqid etməsinə baxmayaraq, demokratik düşərgə “iqtidarın islahatlar aparmağa iradəsi, niyyəti və komandası olmaması” bəyanatını səsləndirib. 

“Yeni Müsavat” Türkanda torpaq üstə baş verən davada 3 qardaşın güllələnərək öldürülməsini ilk səhifəyə çıxarıb. Qəzet bu kənddə 10 gün öncə baş verən hadisədə kəndin icra nümayəndəsinin oğlunun gülləbaran edildiyini yazır.

Gömrük Komitəsinin sədri Aydın Əliyevin müavini Səfər Mehdiyevi tənqidə məruz qoyması gömrük sistemindıki “Naxçıvan qruplaşması”na hücum sayılır.  

Qətlinin üstündən 8 il keçməsinə baxmayaraq, jurnalist Elmar Hüseynovun qatillərinin hələ də tapılmamasına ictimaiyyət fəalları “Elmarın qatili bu hakimiyyətdir” mövqeyini ifadə ediblər.

Rusiya hərbi-desant qüvvələrinin komandanı lazım olduğu halda müttəfiqlərin Ermənistana köməyə gedəcəklərini bəyan edib. 

Yol polisinə rişxənd olan mahnı yaydığına görə saxlanılan repçi Səid Əliyevdən sosial şəbəkələrdə yayılmış mahnını bu sistemdən çıxarmaq tələbini vətəndaş cəmiyyəti institutlarının təmsilçiləri “ifadə azadlığının pozulması” adlandırıblar. 

“Bakı Xəbər” Güney Azərbaycan türklərinin durumundan narahatlıq yarandığını ifadə edərək bu haqda BMT-nin son iki ilə dair hesabatının hazırlandığını qeyd edir. 

Təbrizdə keçirilən futbol oyunu zamanı qaldırılmış “Güney Azərbaycan İran deyil” şüarına görəAzərbaycan, Türkiyə və Atatürk İran mediasında təhqirə məruz qoyulub.