QKDK sədri qiymətli kağızlar bazarına marağın artdığını bildirir

Əsasən qeyri-neft sektorunda təmsil olunan özəl biznesin Azərbaycanda qiymətli kağızlar bazarına marağı artıb ki, bu da “Kapital bazarının müasirləşdirilməsi” layihəsi çərçivəsində həyata keçirilən tədbirlərin nəticəsidir. Bu barədə martın 1-də Qiymətli Kağızlar üzrə Dövlət Komitəsinin (QKDK) sədri Rüfət Aslanlı Dünya Bankının missiyasının nümayəndə heyətinin rəhbəri xanım Uzma Xəlil ilə  görüşündə bildirib.

Görüş zamanı QKDK sədri Dünya Bankı ilə imzalanmış “Kapital bazarlarının müasirləşdirilməsi layihəsi”nin icra vəziyyətinə dair məlumat verərək layihənin Azərbaycanda kapital bazarlarının arzu olunan inkişaf səviyyəsinə çatdırılmasında mühüm rol oynadığını və bu istiqamətdə artıq konkret nəticələrin əldə olunduğunu qeyd edib.   R.Aslanlı “Qiymətli kağızlar bazarı haqqında” qanun layihəsinin üzərində işlərin tamamlandığını xatırladıb 

QKDK-nın mətbuat xidmətindən Turan-a verilən məlumata görə,  səfərdə məqsəd layihənin cari statusu, məsləhətçi şirkətin xidmətlərinin qiymətləndirilməsi və İT infrastrukturu ilə tanışlıqdır. 

Xatırladaq ki, layihədə bazar infrastrukturunun, qanunvericiliyin və bazarın tənzimlənməsi məsələlərinin təkmilləşdirilməsi, bazarda tələbatın stimullaşdırılması, həmçinin bazarın institutional inkişafı və investorların potensialının artırılması  nəzərdə tutulur. 2015-ci ilədək kapital bazarı üzrə təlim mərkəzinin yaradılması nəzərdə tutulur.

Hazırda Azərbaycanda səhmlərin real kotirovkası yoxdur.  Dövriyyədə 8 şirkətin əsasən bank və lizinq fəaliyyəti sahəsində korporativ istiqrazı var.

2011-ci lin martında DB “Kapital bazarlarının müasirləşdirilməsi layihəsinin həyata keçirilməsinə $12 mln. həcmində krediti təsdiqləyib. Layihənin ümumi dəyəri $15,8 mln. təşkil edir. Layihə üçün  

SECO $1,6 mln. həcmində qrant ayırıb. Layihənin dəyərinin $2,2 mln-u

Azərbaycan hökuməti tərəfindən maliyyələşdirir.  08D