Qubad İbadoğlunun şəxsiyyət vəsiqəsi fəaliyyətsiz edilib

Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun  şəxsiyyət vəsiqəsi fəaliyyətsiz edilib.

Belə ki, İbadoğlunun həbsdən ev dustaqlığına keçirildikdən sonra Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi tərəfindən ona qaytarılan şəxsiyyət vəsiqəsi artıq işləmir. Bu barədə İbadoğlu özü bildirib.

Ona məxsus şəxsiyyət vəsiqəsi  ilə Azərbaycan qanunvericiliyində nəzərdə tutulan notarial qaydada etibarnamə vermək və ya əldə etmək hüququ məhdudlaşdırılıb. Mobil notarius və ASAN xidmətdə  sistemində Qubad İbadoğlu  adı  ilə heç bir əməliyyat aparmaq mümkün deyil. Sistemə FİN məlumatlarını daxil edərkən, “daxil olmuş FİN əsasında  vəsiqə məlumatı tapılmadı” cavabı verilir. 

İbadoğluya bildirib ki, ona məxsus şəxsiyyət vəsiqəsi 04.08.2031-ci ilə qədər etibarlı olsada hazırda o bu sənəddən istifadə edə bilmir.

Yaranmış problemlə bağlı Daxili İşlər Nazirliyinə online müraciət olunsa da problem həll edilmir, deyə İbadoğlu daha sonra bildirib.