Qubad İbadoğlunun şəxsiyyət vəsiqəsi fəaliyyətsiz edilib (yenilənib)

İiqtisadçı Qubad İbadoğlunun şəxsiyyət vəsiqəsi deaktiv olaraq qalır, Daxili İşlər Nazirliyinin belə bir deaktivasiya edilmədiyini bildirməsinə baxmayaraq.

İbadoğlu, cümə günü Daxili İşlər Nazirliyi nümayəndəsinin bəyanatından sonra şəxsiyyət vəsiqəsindən istifadə edərək ölkənin elektron dövlət xidmətləri platforması olan ASAN-a daxil olmağa cəhd edib. Lakin sistem yenidən onun şəxsiyyət vəsiqəsi ilə bağlı FİN kodunun mövcud olmadığını göstərib, bu da onun şəxsiyyətinin sistemdəki statusu ilə bağlı suallar doğurur.

Bu hadisə İbadoğlunun dövlət xidmətlərinə çıxışına təsir edə biləcək mümkün inzibati səhvlər və ya qəsdən edilən hərəkətlərlə bağlı fərziyyələrə səbəb olub.

***

Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun  şəxsiyyət vəsiqəsi fəaliyyətsiz edilib.

Belə ki, İbadoğlunun həbsdən ev dustaqlığına keçirildikdən sonra Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi tərəfindən ona qaytarılan şəxsiyyət vəsiqəsi artıq işləmir. Bu barədə İbadoğlu özü bildirib.

Ona məxsus şəxsiyyət vəsiqəsi  ilə Azərbaycan qanunvericiliyində nəzərdə tutulan notarial qaydada etibarnamə vermək və ya əldə etmək hüququ məhdudlaşdırılıb. Mobil notarius və ASAN xidmətdə  sistemində Qubad İbadoğlu  adı  ilə heç bir əməliyyat aparmaq mümkün deyil. Sistemə FİN məlumatlarını daxil edərkən, “daxil olmuş FİN əsasında  vəsiqə məlumatı tapılmadı” cavabı verilir. 

İbadoğluya bildirib ki, ona məxsus şəxsiyyət vəsiqəsi 04.08.2031-ci ilə qədər etibarlı olsada hazırda o bu sənəddən istifadə edə bilmir.

Öz növbəsində, Daxili İşlər Nazirliyinin mətbuat xidmətinin əməkdaşı Elbrus İbrahimov Turan-a bildirib ki, Qubad İbadoğlunun şəxsiyyət vəsiqəsi ilə bağlı heç bir məhdudiyyət tətbiq edilməyib.

O, əlavə edib ki, İbadoğlunun şəxsiyyət vəsiqəsinin etibarsızlığı məsələsi yoxdur.