Baş Prokurorluq kənd təsərrüfatı məhsullarının ixracından əldə olunan külli miqdarda pul vəsaitini ölkəyə qaytarmayan şəxslərin məsuliyyətə cəlb olunması ilə bağlı növbəti məlumatı yayıb.
10 yanvar tarixli məlumatda deyilir ki, xarici iqtisadi fəaliyyət subyektlərinin pulları ölkəyə qaytarmaması ilə bağlı Dövlət Gömrük Komitəsinin materialları əsasında Azərbaycan prokurorluğu Cinayət Məcəlləsinin 208.2.1, (qabaqcadan əlbir olan bir qrup şəxs tərəfindən xarici valyuta vəsaitini xaricdən qaytarmama) və 308.2-ci (ağır nəticələrə səbəb olan vəzifə səlahiyyətlərindən sui-istifadə) maddələrilə cinayət işi açıb.
Bakı Şəhər Nərimanov Rayon Prokurorluğu müəyyən edib ki, Sahibə Muradova 23,4 milyon ABŞ dollarından çox vəsaiti ölkəyə qaytarmayıb. O, təqsirləndirilən şəxs kimi cəlb edilib və polis nəzarətinə götürülüb.
Gəncə Şəhər Prokurorluğu müəyyən edib ki, Vəfadar Cəfərov kənd təsərrüfatı məhsullarının ixracına görə aldığı 900 min ABŞ dollarından çox pul vəsaitini ölkəyə qaytarmayıb. O həbs olunub.
Gəncə Şəhər Prokurorluğu 1,6 milyon ABŞ dollarından çox pulu ölkəyə qaytarmayan Emin İslamovu da polisin nəzarətinə verib.
Bakı Şəhər Xətai Rayon Prokurorluğu Rusiyaya kənd təsərrüfatı məhsullarının ixracından əldə etdiyi 1 milyon ABŞ dollarından çox vəsaiti ölkəyə qaytarmadığına görə Elşən Ağakişiyevi axtarışa verib.
Sabirabad Rayon Prokurorluğu kənd təsərrüfatı məhsullarının ixracından əldə etdiyi 16 min ABŞ dollarından çox pulu ölkəyə qaytarmadığına görə Eldar Dəmirovu axtarışa verib.
Xatırladaq ki, bir neçə ay öncə Baş Prokurorluq kənd təsərrüfatı ixracatçılarının "ovuna" başlayıb. Bu müddətdə onlarla adam həbs edilib və mühakimə olunub. On milyonlarla dollar ölkəyə qaytarılıb.
Siyasət
-
Fevralın 11-də prezident İlham Əliyev “Azərbaycan Respublikası hökuməti ilə Rusiya Federasiyası hökuməti arasında “Şimal-Cənub” beynəlxalq nəqliyyat dəhlizi ilə tranzit yük daşımalarının inkişafı məqsədilə əməkdaşlıq haqqında saziş”i təsdiq edib.
-
Fevralın 11-də Azərbaycan Hüquq-Müdafiə Təşkilatlari Monitorinq Qrupunun üzvləri Novella Cəfəroğlu, Səidə Qocamanli və Səadət Bənənyarlı həbs edilmiş jurnalist Şahnaz Bəylərqızının işi üzrə ölkə rəhbərliyinə etdikləri müraciətlə əlaqədar Daxili İşlər Nazirliyində görüş keçiriblər.
-
Pakistanda Azərbaycan Hərbi Dəniz Qüvvələri hərbi qulluqçularının iştirakıyla AMAN-25 çoxmillətli dəniz təlimi davam edir.
-
Azərbaycan Respublikası Xarici İşlər Nazirliyinin tələbilə əlaqədar “Rossotrudniçestvo”nun Bakıdakı nümayəndəliyi -"Rus Evi" öz fəaliyyətini dayandırmaq üçün tədbirlər görür. Bu barədə fevralın 11-də “Rus Evi” Facebook hesabında bildirib.
Rəy yaz