Anar Əliyev inadla Qubad İbadoğluna qarşı ifadə verməyə davam edir

Bakı Ağır Cinayətlər Məhkəməsində 2023-cü ildə Türkiyədə saxlanılmış və Azərbaycana gətirilmiş İstanbul Universitetinin doktorantı, iqtisadçı Fazil Qasımovun işi üzrə proses davam edir. 

O və işin digər fiqurantı Anar Əliyev saxtakarlıqda ittiham olunur və istintaqın məlumatına görə, iqtisadiçı alim və siyasətçi Qubad İbadoğlu da bu işdə iştirak edir.

Yanvarın 9-da məhkəmənin iclasında Əliyev bir daha bildirib ki, guya İbadoğlu ona saxta ABŞ dollarları verib, lakin müttəhimin özünün bundan xəbəri olmayıb.

Əliyev saxtakarlıqda özünü təqsirli bilməyib, lakin qanunsuz silah saxlama ittiham ilə razılaşıb.

"Tapançanı bir neçə il əvvəl tapmışdım. Evimdə saxlayırdım. Tapançanı başqa yerə gizlətmək üçün götürdüm, yolda polis məni saxladı. Polis bölməsinə apardılar, axtarış apardılar və silahı aldılar", deyə təqsirləndirilən şəxs bildirib.

Vəkillər Əliyevdən onun Qubad İbadoğlu ilə münasibətləri haqqında soruşublar. O deyib ki, İbadoğlu ilə həm əyani şəkildə, həm də vatsap vasitəsilə görüşüblər:

"Həbsimdən təxminən iki həftə əvvəl vatsap vasitəsilə videokonfrans keçirdik. Sonradan bu zəngə Fazil adında bir nəfər də qoşuldu. Keçən məhkəmə iclasında da dediyim kimi, müttəhimlər kürsüsündə oturan mənim gördüyüm Fazil deyil. Bu onlayn görüşdən bir həftə sonra biz Qubadla imam Hüseyn məscidinin qarşısındakı dayanacaqda görüşdük. O, dollarları mənə orada verdi. Evimdə axtarış aparılarkən mən pulu polisə verdim", deyə Əliyev bildirib.

Qasımov ifadə verərkən məhkəməyə bir neçə fotoşəkil təqdim edib.

"Bu, mənim həbsimdən əvvəl çəkdiyim fotoşəkillərdir (öz fotoşəkillərini göstərir - red.). Onları İstintaq Təcridxanasında Anara göstərdim. O dedi ki, videokonfransda görüşdüyü şəxs bu şəkildəki deyil", deyə Qasımov bildirib. Məhkəmə fotoşəklin işlə əlaqəsi olmadığına istinad edərək, Qasımovun bu epizondun fotoşəkillərlə bilrikdə işə daxil edilməsi haqqında vəsatətini təmin etməyib. 

Qasımov Əliyevə bir neçə sual verib. Lakin Əliyev onların heç birinə cavab verməyib.

Yanvarın 10-da məhkəmə prosesi davam etdirilib. Qasımovun vəkili və prokuror Əliyevə suallar verib. Müdafiə tərəfinin sözlərinə görə, Əliyevin məhkəmədə və istintaqda verdiyi ifadələrdə uyğunsuzluqlar var. Hakim müdafiə tərəfinin bu ziddiyyətlərin aydınlaşdırılması haqqında vəsatətini təmin edib. Əliyev bildirib ki, istintaqda "bəzi təfərrüatlar" haqqında məlumat vermək istəməyib, "lakin sonradan onları açıqlayıb".

Əliyev ifadələrində İbadoğlundan saxta pul aldığını bildirirdi.

Əliyev Qasımovun və onun vəkilinin suallarına cavab verməkdən imtina edib və bu imtinasını bunların təkrarlanan suallar olması ilə izah edib. 

Gələn həftə proses davam etdiriləcək.

Qubad İbadoğlu Əliyevlə tanış olmadığını bildirib. İbadoğlunun sözlərinə görə, ötən ilin yayında "Təzə Pir" məscidinin dayanacağında bir nəfər ona yaxınlaşıb, həyat və iqtisadi çətinliklərdən şikayət etməyə başlayıb. Bu şəxs istintaqın təqsirləndirilən şəxs qismində təqdim etdiyi Əliyevə oxşayır. Ötən ilin aprel ayında İbadoğlu barəsində iş ayrıca icraata ayrılıb və o, həbsdən azad edilb, lakin indiyədək polis nəzarətindədir.

* Fazil Qasımov 8 avqust 2023-cü il tarixində İstanbulda həbs edilib və Azərbaycana gətirilib. O, məşhur iqtisadçı və Azərbaycan hökumətinin tənqidçisi Qubad İbadoğlu ilə birlikdə saxta pul hazırlamaqda ittiham olunub. Lakin indi Fazil Qasımov barəsində cinayət işinə İbadoğlunun cinayət işindən ayrı baxılır.

O, iyunda qanunsuz həbsinə etiraz əlaməti olaraq aclıq elan edib. Son vaxtlar o, qida qəbul etməkdən imtina etməyə davam edir, yalnız bal ilə şirinləşdirilmiş qatıq və su qəbul edir.