Yanvarın 15-dən Dövlət Neft Şirkəti (SOCAR) “Yaşıl istiqraz”larını tədavülə buraxacaq.
Bu barədə SOCAR məlumat yayıb.
Məlumatda deyilir ki, emissiyanın ümumi məbləği 200 milyon ABŞ dollarıdır.
Nominal dəyəri 1 000 dollardan 200 min ədəd istiqraza fevralın sonuna qədər abunə yazılmaq olar.
Qiymətli kağızlar 5 il tədavüldə olacaq. Onlara hazırda tədavüldə olan adi istiqrazlarla müqayisədə 1,5 faiz bəndi çox – illik 6% gəlirlilik vəd olunur. Faizlər 3 aydan bir ödəniləcək. Yerləşdirmə üzrə anderrayter "Paşa Kapital” investisiya şirkətidir.
İstiqrazların satışından əldə olunacaq vəsait “SOCAR Green” şirkətinin bərpa olunan enerji layihələrinə sərf ediləcək və bununla da, Azərbaycanın "yaşıl enerji" təşəbbüsləri dəstəklənəcək.
“SOCAR bu emissiya vasitəsilə ekoloji cəhətdən təmiz enerji mənbələrinin inkişafına töhfə vermək və sürətləndirmək niyyətindədir", - deyə məlumatda qeyd olunub.
Xatırladaq ki, SOCAR daxili kapital bazarları üçün ilk istiqraz buraxılışını 2016-cı, ikincini isə 2021-ci ildə həyata keçirib. Bu emissiyaların hər birinin məbləği 100 milyon dollar olub.
Maliyyə
-
Azərbaycan Mərkəzi Bankı (AMB) “Tiko Azərbaycan” şirkətinə elektron pul təşkilatı fəaliyyətini həyata keçirmək hüququ verən lisenziya verib.
-
“Azərbaycan Kredit Bürosu” (AKB) 7 ildən çoxdur ki, fəaliyyət göstərsə də, bu günə qədər maliyyə hesabatını açıqlamayıb.
-
Azərbaycanda “For Finance” bank olmayan kredit təşkilatı (BOKT) dövlət qeydiyyatına alınıb.
-
Azərbaycanın maliyyə sektoru maliyyənin əlçatanlığını və dərinliyini artırmaq üçün ənənəvi kanallardan rəqəmsal vasitəçiliyə can atır.
Rəy yaz