Mətbuat-Monitorinq 03.06.14
Rəsmi qəzetlər İsveçrə prezidenti Didye Burkhalterin Azərbaycana səfəri, dövlət başçısı İlham Əliyevlə görüşü barədə xəbərləri ilk səhifələrə yerləşdiriblər. Bundan başqa bu qəzetlər deputat Mehriban Əliyevanın Vatikana səfəri, Roma Papası ilə görüşü haqda xəbərlərə də yer veriblər.
Deputat, “Azərbaycan” qəzetinin redaktoru Bəxtiyar Sadıqov rəhbəri olduğu qəzetdəki müəllif yazısında ABŞ siyasətini aşağılayan mövqe ifadə edib.
“Azadlıq” qəzeti rəsmi Bakının yaxın 5-6 ildə Rusiya iqtisadiyyatına 18 milyard dollar investisiya yatıra bilməsi haqda xəbəri manjetə çıxarıb. Ekspertlər isə bu addımın arxasında iqtidarın hakimiyyəti qoruyub saxlamasının durduğunu bəyan edirlər.
Qəzet ekspetlərə istinadən dünən Bakı üzərindəki “toz dumanı”nın İran və Türkmənistandan gələn toz qasırğası ilə bağlı olduğunu bildirir.
Demokrat və Ümid partiyaları qarşıdakı bələdiyyə seçkilərinə birgə qatılmaq barədə qərar veriblər.
Yükqaldırıcı kranın Şıx ərazisində yerüstü piyada keçidinə çırpılması ilə keçid uçub, yaralılar var.
Qəzetin iddiasına görə, rəsmi Bakı həbsdə olan NİDAçı gənclərə etiraf ərizəsi yazdırmağa başlayıb və Bəxtiyar Quliyevin bəyanatı bu sırada ilk bəyanatdır.
İqtidarın VII Gənclər Forumuna start verməsilə bağlı bir sıra gənclər qurumları bu forumların ölkə gəncliyinə aidiyyatının olmaması mövqeyini səsləndiriblər.
Ekspertlər Azərbaycan Ümumdünya Ticarət Təşkilatına üzv olarsa inhisarı aradan qaldırmalıdır, bu isə bəzi oliqarxların maraqlarına cavab vermədiyi üçün quruma üzvlüyü bilərəkdən ləngidirlər.
“Ekspress” qəzeti rəsmi Kremlin Azərbaycanı Rusiya layihəsi olan Avrasiya İttifaqına dəvət etməsini “Moskvadan şirnikləndirmə” sayaraq ilk yerə çxıarıb.
Qəzet ictimai qurumlara istinadən ölkədə hər 5 uşaqdan 2-sinin anemiyadan əziyyət çəkdiyini, hər il 300 uşağın onkoloji xəstəliyə düçar olduğunu yazır.
“Novoe Vremya” Rusiyanın iqtisadi inkişaf naziri Aleksey Ulyukayevtin Azərbaycanı Avrasiya İttifaqına dəvət etməsini və onun Qarabağ problemini nəzərdə tutaraq “həll olunmayan problem yoxdur” mövqeyini ön sıraya çəkib.
“Bizim yol” “Aqrolizinq” ASC-də mənimsəmələrlə bağlı rəhbər işçilərə cinayət qaldırıldığını nəzərə çtadırır.
“Yeni Müsavat” həbsdəki NİDAçı Bəxtiyar Quliyevin etiraf ərizəsi yazmasını “həbsdəki gəncdən şok müraciət” adlandıraraq ilk səhifəyə çıxarıb.
Qəzet 48 milyon manat mənimsəməyə yol verən Dəmir yolları QSC-nin marketinq şöbəsinin keçmiş müdiri Rahib Hüseynovun müəmmalı şəkildə azadlğına çıxdığını nəzərə çatdırır.
Keçən ilin sonunda Türkiyədə həbs edilən Sədərək gömrük məntəqəsinin rəisi Mirməhəmməd Seyidovu Türkiyə hüquq-mühafizə orqanları girov əvəzində belə azad etməyib, rəisin ailəsi isə rəsmi Naxçıvan və Bakını ona sahib çıxmamaqda ittiham edib.
-
- İqtisadiyyat
- 3 İyun 2014 13:19
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz