Mətbuat-Monitorinq 03.09.15

Rəsmi qəzetlər dövlət başçısı İlham Əliyevin Beynəlxalq Miqrasiya Təşkilatının (BMT) baş direktorunu qəbul etməsi haqda xəbəri, hərbi xidmətə çağırış, Sumqayıt şəhər, Abşeron rayon, Bakı şəhər Nəsimi, Səbayel rayon icra başçılarının yerdəyişmələri haqda sərəncamların mətnlərini ilk səhifələrdə yerləşdiriblər.

“Azərbaycan” qəzeti məhkum edilmiş jurnalist Xədicə İsmayılovanı bayrağa, millətə arxa çevirməkdə ititham edərək təhqirə məruz qoyan məqalə dərc edib.

“Xalq qəzeti” də X.İsmayılın şəxsiyyətinə böhtan atan yazı dərc edib.

“Azadlıq” qəzeti hakimiyyətin büdcə zərfini xalqdan gizlətməsinə toxunaraq bunu “büdcə ilə bağlı məxfi əməliyyat” adlandıraraq manjetə çıxarıb. Büdcənin xalqdan gizli saxlanmasına ekspertlər “elə bil büdcə xalqın yox, hökumətin büdcəsidir” etirazı, qəzet isə bu hala “hökumətin büdcəni Qərbin gözü götürməməsindən qoruması” ironiyasını ifadə edir.

MTN-in bir qrup İŞİD-çini həbsə alması və bu fonda xalqı ayıq-sayıqlığa çağırmasını qəzet “təhlükənin kifayət qədər ciddi olması” kimi dəyərləndirir.

“Xəzər” Hərbi Tədqiqatlar Mərkəzi ölkənin müdafiə və təhlükəsizlik sektorunun 2015-ci ilin 8 ayı ərzində verdiyi 50 itkidən 21-nin döyüş, 29-nun qeyri-döyüş itkisi olduğunu bildirir.

Politoloq Hikmət Hacızadə RF xarici işlər naziri Sergey Lavrovun Bakı səfərini “Gürcüstan Qərbyönlü kurs götürdüyü üçün Azərbaycan uğrunda mübarizə” kimi şərh edir.

Qəzet X.İsmayılın azadlığa buraxlmasını tələb edən ABŞ-ın siyasi məhbusların azadlığı üçün rəsmi Bakıya təzyiq edəcəyini vurğulayır. Həbsi dünya mediasında hallanan X.İsmayılovanı media qurumları “qəhrəman” adlandırırlar.

Korrusiyaya qarşı mübarizə beynəlxalq jurnalistlər birliyinin Əliyevlər ailəsinin yeni biznes gizlinlərini aşkar etməsini qəzet X.İsmayılova haqda həbs qərarına sürpriz cavab adlandırır.

Ölkədə dərman qıtlığına toxunan qəzet hökumətin dərman qiymətlərini tənzimləməsindən sonra bahalı dərmanların ölkəyə idxalını dayandırmasını şirkətlərin “sərfəli olmaması” ilə izah etdiklərinə diqqət çəkir.

“Ekspress” RF XİN başçısı S.Lavrovun Azərbaycana səfərinə “Lavrovun qəfil Bakı səfəri” mövqeyini diqqət mərkəzinə çəkib.

“Exo”  ölkədə çəkilən seriallara ayrılan maliyyə vəsaitlərini “uğursuz biznesə qoyulan vəsait” kimi təqdim edir.

Ölkə vətəndaşlarının yarısının gəlirlərinin ərzaq və xidmət qiymətlərinin artımı ilə ayaqlaşmadığını yazan qəzet bunu “Azərbaycanın 50% vətəndaşının “təhlükəsizlik balışı” olmaması” hesab edir.

“Novoe Vremya”   Abşeron rayon, Sumqayıt şəhər və Bakı şəhəri Səbayel və Nəsimi rayon icra başçılarının yerdəyişmələrinə “islahatlar əvəzinə kadr yerdəyişmələri” mövqeyini ifadə edir.

“Bizim yol” Mərkəzi Bankın uçot dərəcələrini artımaq istəməsinin dolları daha da bahalaşdıracağını yazaraq bunu “manata təhlükə” kimi ilk səhifəyə yerləşdirib.

“Yeni Müsavat” Beynəxalq Bankın keçmiş rəhbəri Cahangir Hacyevin Ali Məhkəmənin sədri Ramiz Rzayevlə ofşor ortaqlığı olması, bankın Lüksembürq fililalında maxinasiyaları P.Rzayevin oğlunun həyata keçirməsi iddiasını ilk səhifəyə çıxarıb.

Jurnalist Xədicə İsmayılovanın həbsinə toxunan politoloq Natiq Miri ölkənin ictimai-siyasi və iqtisadi həyatında ciddi islahatlar olmadıqca Xədicələrin sayl artacaq bəyanatını səsləndirib.  

X.İsmayılovanın həbsinə dünya birliyinin kəskin və kütləvi reaksiyasına rəsmi Bakı təmsilçisi Əli Həsənov trafaret “məhkəmə qərarını siyasiləşdirməyin yolverilməz olması” reaksiyası göstərir.

Jurnalist X.İsmayılovanın və hüquq müdafiəçisi Leyla Yunusun azadlığı üçün Eğ Evin rəsmi Bakıya təzyiqləri gücləndirməsini qəzet “Bakı-Vaşinqton münasibətləri üçün daha bir kritik test”  adlandırır.