Mətbuat-monitorinq 03.10.15

Rəsmi qəzetlər dövlət başçısı İlham Əliyevin qəbulları, təhsil sahəsi işçilərinin bir qrupunun təltif olunmaları barədə sərəncamların mətnlərini ilk səhifələrdə yerləşdiriblər.

“Azadlıq” qəzeti maliyyə naziri Samir Şərifovun Beyənlxalq Bankın keçmiş rəhbəri Cahangir Hacıyevlə bağlı “ciddi səhvlərə yol verməsi” bəyanatını sonuncunun “taleyinin həll edilməsi” kimi dəyərləndirərək önə çəkib.

Ömürlük həbs cəzası alan 1961-ci il təvəllüdlü Xanbala Məmmədov cəza çəkdiyi Qobustan qapalı həbsxanasında dünyasını dəyişib.

Xuliqanlıqda şübhəli blilinərək oktyabrın 1-də saxlanılan AXCP sədrinin müşaviri Məmməd İbrahim barəsində qərar verilməsini Nərimanov rayon məhkəməsi şənbə gününə saxlayıb.

ABŞ-ın “World Affairs” jurnalı Azərbaycandakı siyasi repressiyalara toxunaraq, bu ölkənin hələ də Avropa Şurasının üzvü olmasının təəccüb doğurduğunu yazır.

Əliyevlər hakimiyyəti dövründəki bütün seçkilərin bir-birindən eybəcər keçirildiyini deyən Mili Şura üzvü Vidadi Mirkamal buna görə cəmiyyətin bu seçkiləri artıq boykot etdiyini bildirir.

Bu ilin mayında yanması hay-küyə səbəb olan Binəqədi rayonundakı binanın sakinləri evlərinin təmirinin başdansovdu edilməsi, teleçəkilişdən sonra mebellərin evlərdən aparılması haqda açıqlamalar veriblər.

Ekspertlər manatın bazar qiymətinə çata bilməsi üçün yumşaq devalvasiyaya başlamağın vaxtı çatdığını bildirirlər, əks halda 2016-cı ildə manatın növbəti şok devalvasiyaya məruz qalacağı xəbərdarlığı edirlər.  

“Ekspress” qəzeti Beynəlxalq Bankın keçmiş rəhbərliyinin səhvlərini “bankın riskə atılması” kimi dəyərləndirən maliyyə naziri Samir Şərifovun bəyanatını diqqət mərkəzinə çəkib. 

Nikahdan öncə müayinə nəticəsində 33 nəfərdə QİÇS xəstəliyi aşkar edildiyini yazan qəzet virus daşıyıcıları arasında kişilərin üstünlük təşkil etdiyini nəzərə çatdırır.  

“Novoe Vremya” qəzeti Beynəlxalq Bankın təminatsız kreditlər verməsi haqda maliyyə naziri Samir Şərifovun açıqlamasını “Beynəlxalq Bank qalmaqalının yeni təfərrüatları” adı ilə önə çəkib.

Qəzet bu günlərdə yanacaqdoldurma məntəqəsinə maskalı şəxslərin hücumunu “kriminalın hücuma keçməsi” kimi dəyərləndirir.

“Bizim yol” qəzeti ölkənin maşın bazarındakı duruma toxunaraq, ABŞ-da 54 min dollara olan BMW-nin Azərbaycanda 170 min dollara satılmasını “avtomobil biznesinin şok gizlinləri” adı ilə ilk səhifədə yerləşdirib.

Energetika Nazirliyinin su, qaz və elektrikin satış dəyərinin artacağı haqda açıqlamasına qəzet “neft gəlirləri azalan ölkədə əhalinin gəlirləri də artacaqmı?” sualı ünvanlayır.

Ağcabədidə məskunlaşan Laçın köçkünləri Laçın rayon icra hakimiyyəti başçısının torpaq paylarını başqa adamlara satmasına etiraz aksiyası keçirib, iki nəfər etirazçı polis tərəfindən saxlanılıb, 15 sutka inzibati cəza alıb.

“Yeni Müsavat ” qəzeti nazir Ziya Məmmədovun villasında gizli toplantı keçirdiyini bildirir və bunu “nəqliyyat kralı”nın “taxt-tacı”nı xilas etməsi üçün hərəkətə keçməsi kimi ilk səhifəyə çıxarıb.  

63 saylı Sabirabad seçki dairəsindən YAP-ın deputatlığa namizədi Novruz Quluzadə tanınmış müxalifətçi Pənah Hüseynin xeyrinə namizədliyini geri götürüb.

Rəy yaz

Cəmiyyət

Navalnının ölümü dünyada hansı daşları tərpədəcək? – Rauf Mirqədirov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti