Mətbuat-Monitorinq 03.12.15

Rəsmi qəzetlər dövlət başçısı İlham Əliyevin “Baku Tel-2015” sərgisilə  tanış olması haqda xəbərləri ilk səhifələrdə yerləşdiriblər.

Bundan əlavə, Naxçıvanın sosial-iqtisadi inkişafı üçün 7 milyon manatın ayrılması haqda sərəncamın mətni də bu qəzetlərdə yer alıb.

“Azərbaycan” qəzeti “Nardaran olayları” haqda rəsmi Bakının yanaşmasını əks etdirən məqalələr dərc edib.

“Azadlıq” qəzeti davam edən dünya böhranı fonunda son iki ayda Neft Fondu və Mərkəzi Bankın toplam 1.3 milyard dollar itirməsini manjetə çəkərək bunu ölkəyə “sarsıdıcı zərbə” adlandırır.

Az.TV-də yayımlanan süjetdə sadə vətəndaşlar adından “Nardaran hadisələri”ni pisləyən şəxslərin YAP-ın nomenklaturası olduğu müəyyən edilib.

Noyabrın 26-dan bu yana polisin Nardaranda keçirdiyi xüsusi əməliyyatlar zamanı saxlanılan 32 nəfərin barəsində həbs qətimkan tədbiri seçilib. Ekspertlərə görə, Nardaran olaylarına səbəb “nardaranlıların özlərini dövlətin vətəndaşı kimi aparmaması, iqtidarınsa dövlətin hökuməti kimi davranmamasıdır”.

Noyabrın 15-də Naxçıvanda həbs edilən AXCP üzvü Nazim Mahmudovun anası Xatın Məmmədova oğlunun psixoloji dispanserə aparılması haqda açıqlama verib.     

Naqif Həmzəyev kimi təyinatlı deputatın Məhəmmədəmin Rəsulzadəni təhqir etməsinə cəmiyyətin kütləvi təpkilərini qəzet “cəmiyyətin hökumətə tərs şilləsi” adlandırır.

Eskspertlər Türkiyənin baş naziri Əhməd Davudoğlunun Bakı səfərini “Rusiya- Türkiyə gərginliyi fonunda Ankara-Bakı münasibətlərinin aydınlaşdırılması” kimi şərh edirlər.

Rəsmi Bakının polisə qanunla atəş açmaq səlahiyyəti verməsini ekspertlər “sosial gərginliyin artması gözlənildiyi üçün hakimiyyətin də bu qərarla buna hazırlıq görüməsi” kimi dəyərləndirirlər.  

“Ekspress” ay ərzində bir həftə dərsə gəlməyən şagirdin 100 manat cərimə olunmasına “rüşvətin yeni mənbəyi” kimi yanaşması mövqeyini diqqət mərkəzinə çəkib.

Dərbənd şəhərinin azərbaycanlı icması sakinlərin əksəri azərbaycanlılar olsa da şəhərin idarəedilməsi qurumlarında az təmsil olunduqları haqda Dağıstan rəhbərliyinə müraciət ünvanlayıblar.  

“Exo” terror törədən vətəndaşın vətəndaşlıqdan məhrum edilməsi haqda ölkə parlamentində qanunvericiliyə dəyişiklik nəzərə ttutulmasına “terrorçunu ölkə vətəndaşlığından məhrum etmək qanunauyğundurmu?” sualını önə çəkir və bu addımın Azərbaycan Konstitusiyası ilə ziddiyyət təşkil edəcəyini bildirir.

“Novoe Vremya” NATO-nun genişləndirilməsinin Azərbaycanı da özünə cəlb edə biləcyini ön plana çıxarır.

Mərkəzi Bankın son iki ayda ciddi maliyyə itkilərinə yol verməsinə qəzet “tənzimləyici ehtiyatlarını itirir, mürəkkəb durumdan çıxış haradadır?” sualını gündəmə gətirir.

“Nardaran olayları” ilə bağlı hakimiyyətin dini qanunvericiliyi sərtləşdirməsi  “qanunverici məhdudlaşdırmaların yeni dalğası” kimi dəyərləndirilir.         

Son 70 ildəAlmaniyada ilk dəfə olaraq Hitlerin “Mein kampf ” əsəri alimlərin şərhlərilə birgə nəşr ediləcək.   

“Bizim yol” Mərkəzi Bankın cəmi 6.2 milyard pulu qaldığını yazaraq devalvasiyanın qaçılmaz olmasını ilk səhifəyə yerləşdirib.

Qəzet “Nardaran olayları” fonunda dini qanunvericiliyə dəyişiklikləri cəmiyyətə “şok dəyişikliklər” kimi təqdim edir.

“Yeni Müsavat” “MTN işi” və “Nardaran olayları”nı Azərbaycan iqtidarının “səhnə arxası və daxilindən təhdid olunması” kimi dəyərləndirərək ilk səhifəyə çəkib.

Qəzerin iddiasına görə həbs edilən MTN generalı Akif Çovdarovun həyatına ciddi təhlükə var, ona görə də tezliklə sensasion açıqlamalar  verəcəyi gözlənilir.

Masallı Rayon Məhkəməsi rayon İcra Hakimiyyətinin başçısı Ravil Hüseynovun iddiası ilə “cənubnews com” saytının redaktor əvəzi Mirələm Haşımovu 2 min manat cərimə edib.

Milliyyətçi Gənclər Hərəkatı Məhəmmmədəmin Rəsulzadəni təhqir edən deputat Naqif Həmzəyevin mandatının alınması üçün imzatoplama kampaniyasına başlayıb.