Tranzit Yükdaşımalar üzrə Koordinasiya Şurası noyabrın 2-də Qazaxıstan və Türkmənistan limanlarına istiqamətlənmiş iritonnajlı yük avtonəqliyyat vasitələri üçün tranzit gediş-gəliş xərclərini təqribən 40% aşağı salıb.
İqtisadiyyat və Sənaye Nazirliyinin məlumatına görə, bu, tranzit prosedurlarının sadələşdirilməsi və xidmət haqlarının aşağı salınması hesabına mümkün olub. Eyni zamanda, Bakı-Aktau-Bakı istiqamətləri üzrə dəniz yolu ilə daşıma trarifləri 20%-dək aşağı salınıb. Tranzit yükdaşımalara yenidən baxılmasının başqa detalları barədə məlumat verilmir.
Tranzit Yükdaşımalar üzrə Koordinasiya Şurası tranzit yük daşınması iştirakçılarını "Demirchi Tower"dəki ofisinə dəvət edir. Bu ilin avqustunda 82 konteynerdən ibarət ilk qatar olan «Nomad Ekspress» Transxəzər beynəlxalq nəqliyyyat dəhlizi ilə Çindən Avropaya yola düşüb. Konteynerlərin Çindən Ələtə çatdırılması 6 gün çəkib.
«Azərbaycan Xəzər Dəniz Gəmiçiliyi» noyabrda Çuntsin (Çin), Kiyev, İstanbul və Klaypedada (Litva) Transxəzər beynəlxalq nəqliyyyat dəhlizinin təqdimatını keçirib. “Azərbaycan Dəmir Yolları” QSC-nin Cavid Qurbanov başda olmaqla nümayəndə heyəti isə noyabrın sonunda Pekinə səfəri zamanı Avropaya yük daşınmasında bu marşrutdan istifadə imkanlarını müzakirə edib. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz