Mətbuat-Monitorinq 04.06.13

Rəsmi qəzetlər dövlət başçısı İlham Əliyevin RF-in Azərbaycan səfirini, RF Dövlət Dumasının komitə sədrini qəbul etməsini, KİV-lərə Dövlət Dəstəyi Fondunun yeni tərkibi haqda sərəncamının mətnini ilk səhifələrdə dərc ediblər.

Bu qəzetlərdə rəsmi Berlin və Azərbaycanda etiraz elektoratını öz ətrafında birləşdirməyi hədəf seçən Milli Şura böhtan və təhqirə məruz qoyulur. 

“Azadlıq” qəzeti iqtidar ideoloqlarının məxfi sorğularına istinadən durumun hakimiyyət üçün arzuedilən olmaması və buna görə bütün resursların seçki prosesinə cəlb edilməsi mövzusunu ilk səhifəyə çıxarıb.   

Qəzet ANS-ə istinadən aprelin 30-dan İranda həbsdə olan Azərbaycan ədəbiyyatşünası Xalidə Xalidin və sürücüsünün azad olunduğunu yazır.   

Demokrat Partiyası Gənclər Komitəsinin sədri Cəmil Hacıyev vəzifəsindən azad edilməsini ADP sədrilə siyasi baxışlarının üst-üstə düşməməsilə əlaqələndirib. 

AXCP funksioneri Fuad Qəhrəmanlı və ailəsi elektron poçt vasitəsilə ölüm təhdidləri alır, təhdidlərdə ölkəni və siyasəti iki günə tərk etmədiyi halda özünün və ailəsinin məhv ediləcəyi barədə hədə-qorxu gəlinir.

Rəsmi Bakının ölkənin etiraz elaktoratını öz ətrafında birləşdirməyi hədəf seçən Milli Şuraya təzyiqlərini siyasi şərhçilər “iqtidarın narahatlığının ifadəsi” kimi dəyərləndiriblər. 

Qəzet dəvətlərə baxmayaraq, rəsmi Bakının İsveç səfirlyinin tədbirinə qatılmadığını yazır. 

“Zerkalo” Türkiyədə başlanan xalq etirazlarına zor tətbiq olunmasını “Ərdoğan ciddi məğlubiyyətə uğradı” kimi şərh edir.

“Ekspress”bir ananın doğuş ərəfəsində, digərinin doğuşdan sonra vəfat etməsi xəbərini manjetə çıxarıb.  

“Novoe Vremya” Türkiyədə baş verən etirazların birbaşa baş nazir Ərdoğana yönəlməsini “Ərdoğan nə üçün və kimin xoşuna gəlməyib?” mövqeyilə nəzərə çatdırır. 

İqtidarın ordu sıralarında əsgər ölümlərinə biganə qalmasına qəzet “iqtidarın fəaliyyətsizliyi silahdan da qorxuludur” mövqeyini ifadə edir. 

“Bizim yol” həbsdə olan NİDA Gənclər Hərəkatının üzvü Zaur Qurbanlının talassemiya xəstəsi olduğunu və həbsdə saxlanmasının xəstəlyinin ağırlaşmasına səbəb ola biləcəyi barədə xəbərdarlıq edir. 

“Yeni Müsavat” ölkənin etiraz elektoratını öz ətrafında birləşdirməyi hədəf seçən Milli Şuraya  maliyyə dəstəyinin olmaması üçün hərəkətə keçərək son beş ilin tenderlərini təftiş etməsini ön səhifəyə çıxarıb.

İqtidarın “baş ideoloqu” Əli Həsənov YAP-ı “milli”, aparıcı müxalifəti isə “antimilli” qüvvə adlandırıb. 

Qəzetin iddiasına görə, Bakıdakı Neyrocərrahiyyə xəstəxanası ilə üzbəüz aptekdə narkotik tərkibli “tramadol” açıq satışdadır. 

“Bakı Xəbər” rəsmi Bakını daim tənqidə məruz qoyan Almaniyada etiraz aksiyalarına zor tətbiq olunmasına dair  fotoları dərc edərək alman tənqidlərinə “bu da Almaniya demokratiyası” mövqeyini sərgiləyir.