![Prezident İlham Əliyev KİV-in İnkişafına Dövlət Dəstəyi Fondunun Müşahidə Şurasını formalaşdırıb](https://turan.az/resized/./turan-750-500-resize.webp)
Prezident İlham Əliyev KİV-in İnkişafına Dövlət Dəstəyi Fondunun Müşahidə Şurasını formalaşdırıb
Dövlət başçısı İlham Əliyev növbəti dəfə Vüqar Səfərlini Azərbaycan pezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun İcraçı direktoru təyin edib.
Prezident Fondun Müşahidə Şurasının tərkibini yenidən formalaşdırıb.
Müşahidə Şurasına dövlət orqanlarından Prezident Administrasiyasının İctimai-siyasi məsələlər şöbəsinin mətbuat və informasiya orqanları ilə iş sektorunun müdiri Vüqar Əliyev, Ədliyyə Nazirliyinin İnsan hüquqları və ictimaiyyətlə əlaqələr idarəsinin rəisi Faiq Qurbanov, Mədəniyyət və Turizm Nazirliyinin analitik təhlil və proqram təminatı şöbəsinin baş məsləhətçisi İntiqam Hümbətov daxil edilib.
KİV-dən “525-ci qəzet”in baş redaktoru Rəşad Məcid, “İki Sahil” qəzetinin baş redaktoru Vüqar Rəhimzadə, “Azərbaycan” qəzetinin baş redaktoru Bəxtiyar Sadıqov daxil olub.
Jurnalist təşkilatlarından Azərbaycan Mətbuat Şurasının sədri Əflatun Amaşov, Jurnalistlərin Həmkarlar İttifaqının sədri Müşfiq Ələsgərli, Beynəlxalq Avrasiya Mətbuat Fondunun sədri Umud Mirzəyev daxildir.
KİV-in İnkişafına Dövlət Dəstəyi Fondu çap nəşrlərin layihələrini maliyyələşdirir. Fondun əsas benefisiarları hökumətyönlü qəzetlərdir. Fonddan qrant alanların sırasında cəmi bir neçə müstəqil və müxalifət nəşri var ki, onların da satışı hökumətyönlü qəzetlərin satışından xeyli çoxdur. —06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz