Mətbuat-Monitorinq 04.08.15

Rəsmi qəzetlər dövlət başçısı İlham Əliyevin Dərbənd şəhərində fəaliyyət göstərən Azərbaycan Dövlət Dram Teatrının binasının yenidən qurulması üçün 5 milyon manatın ayrılması barədə sərəncamının, bəzi rəsmi sənədlərin mətnlərini ilk səhifələrdə yerləşdiriblər.

“Azadlıq” qəzeti parlament seçkilərilə bağlı YAP-da iki siyahı yarandığını yazaraq  bunu “namizədlərin savaşının şiddətlənməsi” kimi ilk səhifəyə çıxarıb.

Hüquq müdafiəçisi Arzu Abdullayeva ölkədə insan haqlarının mövcud durumunu “son 20 ildə ən ağrılı mərhələnin yaşanması” kimi şərh edib.

Qəzet yazır ki, ölkədə jurnalistika üzrə  üzrə 198 yerə 163 nəfər qabiliyyət imtahanı verib, yalnız 57 nəfər məqbul sayılıb.

Paytaxt qəbiristanlıqlarında torpaq üçün rüsumun 63 manat olduğunu yazan qəzet  qəbir yelərinin 500-1000 manata satılmasına diqqəti çəkir.

Bu il mayın 19-da Binəqədidə yanmış hündürmərtbəli binanı təmir edən deputat Ağalar Vəliyevin şirkəti fəhlələrin maaşlarını verməyib və qəzet buna görə onun yeni seçki kampaniyasını “fəhlələrin pulunu kəsən deputat” kimi pisləyir. Ölkənin dəmir yolları idarəsi maliyyə, əməliyyat, daşımaların həcmi, investisiya, inkişaf perspektivlərinə aid informasiyaları “Standart Moods” beynəlxalq kredit reytinqi agentliynə vermədiyi üçün kredit reytinqi müşahidəsi dayandırılıb. Ölkədə bank sisteminin durumuna toxunan ekspertlər tikinti şirkətlərinin çöküşünün bank sektorunun vəziyyətini daha da ağırlşadıracağını deyirlər.

Gərginləşən Azərbaycan-ABŞ münasibətləri fonunda Barak Obamanın ad gününə dövlət başçısı İlham Əliyevin təbrik məktubunu qəzet “təbliğatda təhqir, təbrik məktubunda əməkdaşlıq” kimi dəyərləndirir. 

“Ekspress”  Türkiyənin antiterror əməliyyatlarının Naxçıvan sərhədləri  yaxlnlığında olmasını bildirərək Türkiyə və Azərbaycan kəşfiyyat orqanlarının terrora qarşı işbirliyi zərurətinin yaratmasını ön plana çəkir.

“Novoe Vremya” ölkənin böhran içində olmasının belə rəsmi Bakıya “Transxəzər” qaz kəmərinin çəkilşini unutdura bilməməsini diqqət mərkəzinə çəkir.

Qəzet Avropanın enerji təhlkəsizliyi haqda rəsmi Bakının bəyanatlarını sanki  Azərbaycanın ərazi bütövlüyünü “pozması” kimi dəyərləndirir.

“Bizim yol”  Bakı-Sumqayıt dəmir yolunun çəkilşilə bağlı bu yoldakı evlərin söküləcəyini ilk səhifəyə yerləşdirib.

“Yeni Müsavat”  jurnalsit Xədicə İsmayıla aid cinayət işində “zərərəçəkən” kimi keçən Tural Mustafayevə isnadən bəzi şəxslərin gizli videolarının” yayılacağı şantajı ilə X.İsmayılın əleyhinə ifadə verdiklərini və onların 6 nəfər olduqları haqda bəyanatını önə çəkib.

Ölkənin müxalifət təmsilçiləri Kremlin “Avrasiya İttifaqı Hərəkatı” layihəsini Azərbaycanda qurmağa səy edənləri “ölkəni Rusiya köləliyinə satmaq istəyənlər” adlandırır. 

Ölkənin bank sistemnin idarə edilməsinə toxunan ekspertlər Mərkəzi Bankın inzibati yolla komisyon haqlarını endirməsi və faizin yuxarı həddini müəyyən etməsini qanunsuz adlandırıblar.