AMAY-ın işi yekunlaşır, avqustun 18-də prokuror çıxışa hazırlaşır

AMAY şirkətinin qurucusu, iş adamı Abdulla Abdullayev və təqsirləndirilən daha 5 nəfər üzərində məhkəmə prosesi yekunlaşmağa doğru gedir.

Belə ki, bu gün hakim Əfqan Hacıyev məhkəmə baxışına təqdim edilmiş sənədlər barədə açıqlama verib. Prokuror Fərid Nağıyev ittiham üzrə çıxışa hazırlaşmaq üçün 15 gün vaxt istəyib. Hakim prokurorun ittiham çıxışını avqrustun 18-nə təyin edib.

Prosesdə çıxış edən vəkil Əkbər Bağırov məhkəmə istintaqının aparılmasına ciddi etiraz bildirib. “Nə ibtidai isitintaq normal aprılıb, nə də normal məhkəmə istintaqı olub, indi də istintaq qəribə şəkildə başa çatır, bu nə istintaqdır, bu nə məhkəmə prosesidir?”, - deyə hər iki istintaq prosesini anormallıqda ittiham edib. Ə.Bağırov əslində mülki olan bir işin cinayət məhkəməsi səviyyəsinə qaldırılması və baxılmasının özünü əsassız adlandırıb. Müdafiə tərəfin verdiyi bir vəsatətin belə hakimlər tərəfindən qəbul edilməməsinə diqqət çəkib. Ə.Bağırova görə, belə proseslər əslində insanların ədalət mühakiməsinə inamını öldürüb və öncə həmin inamı bərpa etmək lazımdır.

Daha sonra vəkil məhkəmə prosesinin iyun ayından etibarən iki ay aparılmamasına toxunaraq, bu müddətdə məhkəmə istintaqının daha dolğun olması üçün lazım olan ekspertizaların aparılmadığını xüsusi vurğulayıb. İyulun 27-də keçirilmiş məhkəmə prosesində Sahibkarlığa Kömək Fondunun nümayəndəsinin məhkəmə çıxışından sonra araşdırmalar gərəkdiyini deyən vəkil bu vəsatətələrin də diqqətdən kənarda qaldığını söyləyib.

Məhkəmədə qısa çıxış edən A.Abdullayev bu məhkəmə prosesini insan taleyinə biganəliyin nəticəsi kimi dəyərləndirib. “Əgər, sonu görünməyən məhkəmə prosesindən bezib, “bu proses nə olursa olsun bitsin” deyirəmsə, bu elə mənim də öz taleyimə laqeydliyimdir”, - deyə cəza almasını məhkəmə istintaqının uzanmasından üstün tutmasına işarə edib.

Sonda hakim Ə.Hacıyev prokuror F.Nağıyevə avqusutun 18-də ittiham üzrə çıxış edəcəyini xatıladaraq prosesi bağlayıb.

AMAY şirkətinin qurucusu A.Abdullayev 2014-cü ilin aprelində həbs edilib. Ona qarşı Cinayət Məcəlləsinin dələduzluq, dövlət vəsaitini külli miqdarda mənimsəmə, səlahiyyətindən sui-istifadə, çirkli pulların leqallaşdırılması ittihamları irəli sürülüb. A.Abdullayev ittшhamları birməınalı rədd edərək, özünü təqsirli bilmir. -05C-