Rəsmi qəzetlər bir sıra qanunlara dəyişikliklərlə bağlı dövlət başçısı İlham Əliyevin imzaladığı sərəncamların mətnlərini ilk səhifədə yerləşdiriblər.
Bundan əlavə, bu qəzetlər ölkədə parlament seçkilərinin şəffaf və demokratik keçməsi haqda rəylərin dərcinə geniş yer verirlər.
“Azadlıq” qəzeti Dövlət Xüsusi Mühafizə Xidmətinin rəhbəri Vaqif Axundovun MTN-ə rəhbər gətiriləcəyini, “MTN işi” ilə bağlı 50-dən çox sahibkarın istintaqa çağırıldığını, “Azərpoçt”un baş direktorunun həbsə alındığını manjetə çıxarıb.
MTN-in həbs edilən, hələlik kimliyi müəyyənləşməyən zabiti intihar edib, ölkənin hüquq-mühafizə orqanları isə hadisə barədə açıqlama vermirlər.
Qəzet 2007-ci ildə “Səidin dəstəsi” adı ilə MTN-in bir qrup dindarı həbsə alması və dövlət çevrilişi ittihamı irəli sürməsinin əsassız olması haqda geniş məqalə dərc edib.
Gəncədə “aşura əzadarları”nın həbsinə cavab olaraq Ərdəbilin imam-cüməsi Amuli Gəncə şəhər icra başçısı Elmar Vəliyevin ünvanına “məscidə ayaqqabı ilə daxil olan adamdan bundan artıq nə gözləyəsən” bəyanatını səsləndirib.
Nazirlər Kabineti dekabrın 31-ni və 2016-cı il yanvar ayının birinci 4 gününü bayram günləri elan edib.
Beynəlxalq qurumlar beynəlxalq müşahidəçilərin azlığı üzündən Azərbaycandakı parlament seçkilərinə qiymət verməkdə çətinlik çəkdiklərini bəyan ediblər.
“Le Fiqaro” qəzeti seçkiləri “Əliyev rejiminin növbəti dəfə hakimiyyəti xalqın əlindən alması”, “əl-Cəzirə” isə “beynəlxalq ictimaiyyətin bu seçkinin nəticələrini şübhə altına alması” kimi dəyərləndirir.
Mövcud iqtidar və yanlıları seçkidə qalib gəlsələr də pərt qalmalarına səbəb klmi ekspertlər “seçkinin nəticəsinin beynəlxalq birlik tərəfindən qəbul edilməməsi”ni göstərirlər.
Ekspertlər neft gəlirlərinin azalması fonunda 7 bankın sıradan çıxacağı haqda proqnozlar verirlər.
“Ekspress” ölkəyə daxil olan neft gəlrilərinin azalmasının 7 bankı sıradan çıxaracağını diqqət mərkəzinə çəkib.
Dini Komitənin sədri Mübariz Qurbanlı səmavi dinlərin falçılığı qadağan etdiyi üçün falçılığın ölkədə rəsmi qadağan ediləcyini bildirir.
“Exo” ölkədə istismar müddəti çoxdan bitmiş 105 min ədədə yaxın nəqliyyat vasitəsi olduğunu önə çəkərək “maşın qəbiristanlığı” yaratmağı təklif edir.
Müstəqil eskpertlər ölkə əhalisinin gəlirlərinin 25% azaldığını bəyan edərək rəsmi statistikanın gəlirlərin 6%-ə qədər artması haqda açıqlamasını əsassız sayıblar.
“Novoe Vremya” ölkədə keçirilən parlament seçkilərinin nəticələrinə “seçkilər keçirildi, amma saxtakarlıq edənlər hələ cəzalandırılmayıblar” mövqeyini ön plana çıxarıb.
“Bizim yol” Azərbaycanda bağlanacaq bankların sayının 7-yə yüksəlməsini ilk səhifəyə yerləşdirib.
Qəzetin yazdığına görə, Məhkəmə-Tibbi Ekspertiza İdarəsi bu il avqustun 8-də döyülərək xəsarət alan, sonra xəstəxanada dünyasını dəyişən Rasim Əliyevin ölümündə həkimlərin günahının olmadığı haqda rəy verib.
“Yeni Müsavat” Əsir və itkin düşmüş, girov götürülmüş vətəndaşlarla əlaqədar MTN-ə birinci müavin təyin edilən Mədət Quliyevin sədr təyin edilməsini “milli təhlükəsizlik nazirinin adının bilinməsi” kimi cəmiyyətə təqdim edir.
Azərbaycanla qaz anlaşması sahəsində aydınlıq olmaması fonunda dövlət başçısı İlham Əliyevin Gürcüstan səfərini qəzet “kritik səfər” adlandırır.
Dünya bazarında hazırda qiyməti 1078 dollar olan qızılın dəyərinin (unsiya) sürətlə 1045-1015 dolara qədər enə bilər.
Diplomat Arif Məmmədov həmkarlarına qarşı qanunla cəzaların sərtləşdirilməsinə “bu sərəncamın imzalanmasının səbəbkarı mənəm” bəyanatını səsləndirib.
Keçən ilin sonu və bu ilin birinci yarısında iqtidar mənsubları ilə keçirilmiş görüşlərin davam edəcəyinə müxalif partiya təmşilçiləri nikbin baxmadıqlarını bidliriblər.
Ekspertlər yeni parlamentin tərkibinə “Rusiyanın Azərbaycana təzyiq imkanlarını artırması” şərhini veriblər.
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz