Rəsmi qəzetlər dövlət başçısı İlham Əliyevin Bakının Xətai rayonu ərazisindəki fəvvarələr və şəlalələr kompleksində işlərin gedişilə tanış olması xəbərini ilk səhifələrdə yerləşdiriblər.
Bundan əlavə, bu qəzetlər hərbi xidmətə çağırışla bağlı dövlət başçısının sərəncamının mətnini də ilk səhifələrdə dərc ediblər.
Bununla bərabər bu qəzetlər PA-nın rəhbəri Ramiz Mehdiyevin “İkili standartların dünya nizamı və Azərbaycan” adlı irihəcmli məqaləsinə yer veriblər.
“Azadlıq” qəzeti Bərdədə sürücünün yol polisinin üzərinə benzin tökərək yandrımasını ilk səhifəyə çıxarıb.
Bazel konfransı iştirakçıları Azərbaycanda vətəndaş cəmiyyəti institutlarının ağır təqiblərə məruz qalmaları ilə bağlı ATƏT-ə müraciət ediblər.
AXCP sədri Əli Kərimli hüquq müdafiəçisi Leyla Yunusun səhhətinin ağır olmasına baxmayaraq, həbsdə saxlanmasına görə dövlət başçısı İlham Əliyevin şəxsən məsuliyyət daşıdığını bəyan edib.
Qəzet noyabrın 25-də LeylaYunusun saxlandığı təcridxanada qarapaltarlı şəxslərin hücumuna məruz qalması haqda yazdığını nəzərə çatdırır.
Politoloq Zərdüşt Əlizadə bu yaxınlarda Batumda keçirilmiş Avropa İttifaqı Vətəndaş Cəmiyyəti Forumunun toplantısında Azərbaycan nümayəndə heyətinin tutduğu mövqeyi “Azərbaycanın başına endirilən ikiəlli qapaz” kimi şərh edib.
Qəzet rəsmi Bakının ABŞ-a qarşı hücumlarını “iqtidarın ölkəni dünyadan təcrid etməsi” kimi dəyərləndirir.
“Ekspress” PA-nın rəhbəri Ramiz Mehdiyevin bəzi QHT-ləri dövləti quruluşunu zorla dəyişməkdə ittiham edən məqaləsini və onun “5-ci kolon” ifadəsini ilk səhifəyə çəkib.
Parlamentin komtə sədri Əli Hüseynli ABŞ-ı “terrorizmi dəstəkləyən ölkə olmaq” ittihamına məruz qoyub.
Suriyada İŞİD tərəfində döyüşlərdə iştirak edən Bəhruz Şahbazi Bakı aeroportunda saxlanılaraq həbs edilib.
“Exo” “it döyüşdürülməsi” mövzusunu önə çəkərək burada hər döyüşün qalib it sahibinə 10 min manatadək gəlir gətirməsini önə çıxarıb.
“Novoe Vremya” Azərbaycan müxalifətini ABŞ-dan dəstək gözləmək kimi iddiada ittiham edir və öz iddiasına “dəniz piyadaları hələ üfüqdə də görünmür...” mövqeyini də əlavə edir.
“Yeni Müsavat” Azərbaycan XİN və PA-dan sonra parlamentin də ABŞ-a hücumunu “Azərbaycan-ABŞ savaşının başlaması” kimi ilk səhifəyə çıxarıb.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz