BDU tələbələrinin etiraz aksiyasının işıqlandırılması zamanı fiziki təzyiqlərə məruz qalan “Amerikanın səsi” radiosunun müxbiri Tapdıq Fərhadoğlu cümə axşamı ABŞ səfirliyinə dəvət olunub.
Xatırladaq ki, hadisə fevralın 20-də baş verib. BDU mühafizə xidmətinin rəsisi Mahir Xocatov aksiyanı çəkən jurnalistə arxadan bir neçə zərbə endirib, kürəyinə və başına vurub. T.Fərhadoğlu xəsarət alıb və əməliyyat olunub. Nəticədə əmək qabiliyyətini qismən itirib.
Bu gün jurnalist səfirliyin ictimai əlaqələr şöbəsinin rəisi Stiven Qauss və siyasi məsələlər üzrə müşavir Daniel Slaşerlə görüşüb.
Vəkil Samirə Ağayevanın iştirakı ilə keçən görüşdə amerikalı diplomatlar jurnalistin şikayəti üzrə məhkəmənin gedişi və onun səhhəti ilə maraqlanıblar.
Diplomatlar qeyd ediblər ki, bu iş səfirliyin diqqət mərkəzindədir.
Bundan əvvəl T.Fərhadoğlu prezident İlham Əliyevə, Baş Prokurorluğa və insan hüquqları üzrə İşçi qrupuna müraciət edərək ona hücum faktının obyektiv araşdırılmasına yardım göstərilməsini xahiş edib. Lakin müraciət nəticəsiz qalıb.—06D-
Cəmiyyət
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
-
Polis Bakıdakı 210 saylı məktəbdə uşaqları onlayn oyunlarda iştiraka çağıran yazıların yayılması ilə bağlı araşdırma aparıb.
-
Fevralın 8-dən Mingəçevirdən Şuşa şəhərinə müntəzəm avtobus reysi istifadəyə veriləcək. Bu barədə Rəqəmsal İnkişaf və Nəqliyyat Nazirliyi bildirib.
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
Rəy yaz