Mətbuat-Monitorinq 05.02.14

Rəsmi qəzetlər dövlət başçısı İlham Əliyevin Niderlanda xarici işlər nazirini, ATƏT-in Minsk qrupu həmsədrlərini qəbul etməsi,  körplər evlərinə və uşaq baxçalarına müddətıli güzəştlər verilıməsi haqqında qanunu tətəbiq üçün imzalaması xəbərlərini ilk səhifələrə çıxarıblar. 

“Azadlıq” qəzeti Gömrük komitəsinni sədri Aydın Əliyevin gömrük sistemi əməkdaşlarını tənqid etməsi, dövlət başçısı İlham Əliyevin isə onları dövlət mükafatları ilə təltif etməsini “dövlət başçısını komitə sədrini pis vəziyyətdə qoyması” kimi dəyərləndirərək ilk plana çıxarıb.

Münxendə keçirilən təhlükəsizlik üzrə beynəlxalq konfransın təşkilində ARDNŞ-in iştirakına Almaniyanın “Suddeutsche Zeitung” qəzeti “demokratiya sahəsində ciddi problemləri olan ölkənin təmsilçisi” mövqeyi ifadə edir. 

Deputat İlyas İsmayılov parlament sədrinə icra və məhkəmə qurumlarında çalışan deputatların səlahiyyətlərinə xitam verilməsi hqqda məktub göndərib. 

Dünya Bankı son hesabatında neftin qiymətinin düşməsinin Azərbaycana böyük təhlükə yaradacağı kimi bədbin proqnoz verib.  

Deputat Cavanşir Paşazadə “Binə” və “Sədərək” ticartə mərkəzlərində narkotik maddələr saxlana bilməsi ittihamı səsləndirəərk onların bağlanmasını istəyib.

“Zerkalo” qəzeti keçən ilin dekabrında üərk çatışmazlığından vəfat etdiyi deyilən əsgər Orxan Alıyevin rota komandiri əsgərin ürək problemi olmaması haqda bəyanat səsləndirməsinə diqqət çəkir. 

“Ekspress” qəzeti ekspertlərə isnadən ölkənin mənzil bazarında son bir ildə qiymətlərin 20-30% bahalaşdığını yazır.

Politoloq Zərdüşt Əlizadə Suriyada döyüşə gedən Azərbaycan vətəndaşlarının sayının az olmasını əsas gətirərək “ölkə üçün ciddi təhlükə saymadığını” bildirir.

“Exo” qəzeti ekspertlərə isnadən dövlət sosial sahədə islahatlar aparmayınca intiharların sayının artmaqda davam edəcəyi xəbərdarlığı ediblər.

“Novoe Vremya” qəzeti Şəki Ağır Cinayətlər üzrə məhkəməsinin “İsamyıllı hadisələri” ilə bağlı keçmiş nazir Füzuli Ələkbərovun və qardaşı, İsmayıllı rayonunun keçmiş icra başçısı Nizami Ələkbrovun oğullarının məcburi gətirilməsi haqda qərar verdiyini yazır.  

“Bizim yol” qəzeti həkimlərin gənc ananın 3 övladını məhv etmələrinə “ölkə xəstəxanalarında Hippokrat andı içmiş qatillər dolaşır” mövqeyi ifadə edir.

Ekspertlər QHT-lərin fəaliyyətilə bağlı dəyişkliklərin dövlət başçısı tərəfindən imzalanmasına “ictimai nzəarət funksiyası həyata keçirən qururmların hökumətin nəzarətinə keçməsi” şərhi veriblər.

Dünya bankı son hesabatında Azərbaycan xalqını hpökumətdən “ən narazı xalq” adlandırır. 

“Yeni Müsavat” qəzeti Azərbaycana qarşı terror hədələrinə cavab olaraq ölkənin təhlüqkəsizlik qurumlarının önləyici əməliyyatlara başlayacağı xəbərini manjetə çıxarıb.

2011-ci ildə Qubada ictimai narazılığın nəticəsi olaraq vəzifəsini ititrən icra başçısı Rauf Həbibovun villasını türk əsilli biznesmen 1,5 milyon dollara alıb.

Sələfi dini cərəyanın başçılarından biri Qamət Süleymanov Suriyada döyüşən Azərbaycan vətəndaşlarının “oradan xəvaric olaraq ölkəyə dönəcəkləri” bəyanatı səsləndirib. Tanınmış din xadimi İlqar İbrahimoğlu ölkədəki dini duruma “ölkədə vicdan azadlığı ilə bağlı problemlər həll edilmədikcə insnaların müxtəlif zərərəli yönlərə üz tutacağının davam edəcəyi” xəbərdarlığı edib.

Avtomobil alınmasına kredit qadağasından sonra ölkənin maşın bazaırnda faktiki satış böhranı yarandığını yazan qəzet bunu “maşın bazarının çökməsi“ adlnadırır.