Azərbaycanda müstəqillik dövründə ilk dəfə olaraq keçmiş səhiyyə naziri Əli İnsanova qarşı cəza psixiatriyasından istifadə ehtimalı yaranıb. Bu barədə El Hərəkatının lideri Eldar Namazov Obyektiv televiziyasına (www.obyektiv.tv) müsahibəsində bildirib.
Onun fikrincə, cəza psixiatriyasından faşist Almaniyasında, keçmiş Sovet İttifaqında istifadə olunub və ictimaiyyət çox sərt qarşılayıb. “Bundan on illiklər keçəndən sonra Azərbaycanda hakimiyyətə yaxın saytlarda anonim ekspertlər tərəfindən siyasi məhbus Əli İnsanov haqqında belə məlumatlar dövriyyəyə buraxılır. Hiss olunur ki, ya ictimai rəyi yoxlamaq, ya da ictimai rəyi hazırlamaq üçün belə addım atılır”, o qeyd edib.
El Hərəkatının lideri hesab edir ki, Azərbaycan cəmiyyəti buna sərt reaksiya verməli və hakimiyyətə bunun yolverilməz olduğunu başa salmalıdır. “Bu ölkəni faşist və sovet rejimi ilə bir sıraya qoyan üsuldur və belə üsullarla siyasi opponentlərə qarşı mübarizə aparmaq olmaz”.
Namazovun fikrincə, Avropa Məhkəməsinin Əli İnsanov barəsində qərarının yerinə yetirilməməsi artıq Avropa strukturlarını narahat edir.-03B-
Sual-cavab
-
"Turan" İnformasiya Agentliyinin direktoru Mehman Əliyev Groznı üzərində Azərbaycan Hava Yollarına məxsus təyyarənin Rusiya raketi ilə vurulmasını qəsdən törədilmiş qətl adlandırıb. O, bu fikirləri Rasim Balayevin aparıcılığı ilə yayımlanan "Müasir Söhbət" proqramına müsahibəsində səsləndirib.
-
Dövlət Departamentinin nümayəndəsi, Avropa və Avrasiya məsələləri üzrə Büronun Avropa təhlükəsizliyi və siyasi məsələlər İdarəsinin direktoru Liam Uesli Turan-ın Vaşinqtondakı müxbiri Aleks Raufoğlu ilə müsahibəsində NATO-nun Ukraynanın müdafiəsi ilə bağlı planları haqqında danışıb.
-
Ölkənin ən təcrübəli dövlət və siyasət adamlarından biri Sadettin Tantan Turan İnformasiya Agentliyinin suallarını cavablandırdı
-
Al-Jazeera kanalı Türkiyə bürosunun əməkdaşı Yılmaz Akıncı “Peşimdeki melek” adlı xatirələr kitabının işıq üzü görməsindən sonra Turan İnformasiya Agentliyinin suallarını cavablandırdı
Rəy yaz