Mətbuat-monitorinq 05.07.14

Rəsmi qəzetlər dövlət başçısı İlham Əliyevin Göygöl rayonunun Yeni Zod-Çaykənd-Qarabulaq-Quşçu-Sarısu avtomobil yolununu tikintisi üçün 4,9 milyon manat vəsait ayrıması haqda sərəncamının mətnini ilk səhifələrə veriblər.

“Azadlıq” qəzeti keçən ilin dekabrında Türkiyədə həbsə alınan Sədərək gömrük-keçid məntəqəsinin rəisi Mirməhəmməd Seyidovun həbsdə girov şəklində saxlanması iddiasını önə verib.

Aprel ayından bu yana iqtidarın təzyiqi altında olan hüquq müdafiəçisi Leyla Yunus nöbvbəti dəfə prokurorluğa dəvət olunmasına pasportları, evinin sənədləri özünə qaytarılmasa, ifadəyə gəlməyəcəyi cavabı verib. 

İnsan Hüquqları Evinin Cenevrə ofisinin rəhbəri Florian Ezminger Azərbaycanda insan azadlıqlarının durumuna “Azərbaycanda vəziyyət artıq bundan pis ola bilməz” dəyərləndirməsi verib.

ATƏT-in Bakı ofisinin statusunu tam formatda bərpa etmək istəyini rəsmi Bakı təmsilçiləri “ölkənin seçki sistemi, qurum və siyasətini inhisara almaq cəhdi” sayırlar.

Sabirabadda baş verdiyi iddia edilən bir videogörüntüdə vəhabinin bir qrup şəxs tərəfindən söyülərək, saqqalının qırxılması səhnəsini din adamları “Azərbaycan insanının faciəsi” adlandırıblar.

“Ekspress” qəzeti Türkiyə XİN-in bu ilin sentyabrında Ermənistanla sərhədlərin aşıla bilməsi haqda xəbərləri təkzib etməsini önə verib.

Qəzet qarşıdakı həftədə Azərbaycan diplomatik xidmət orqanları rəhbərlərinin növbəti müşavirəsinin keçiriləcəyini nəzərə çatdırır.

Sənədləri olmayan evlərin bu ilin sentyabrından rəsmi şəkildə qeydə alınmasına başlanacağını yazan qəzet bunu “qanunsuz tikililərin qanuniləşməsi” adlandırır.

Qəzetin iddiasına görə, paytaxtda orta icarə qiyməti 600 manata yaxınlaşır.

Qadın problemlərilə məşğul olan ictimai qurumlar son iki ayda ölkədə 28 qadının fiziki zorakılıq nəticəsində dünyasını dəyişdiyini və bir çox qadınların ölümdən qurtarmaq üçün Bakıdakı sığınacaqlara üz tutduqlarını yazır.

“Novoe Vremya” qəzeti Qarabağ probleminin ötən 26 illik müddət ərzində tənzimlənməməsinə “Bizimlə həmişə birgə olan münaqişə” mövqeyi ifadə edir.

“Bizim yol” qəzeti tanınımış şəxslərə məxsus şirkətlərdə külli miqdarda korrupsiya halları üzə çıxdığını yazaraq, bunu “məmur-oliqarxların milyonlarla vəsaiti vergilərdən gizlətməsi” adlandırır.

Qəzet Bakının mərkəzindəki tarixi “sovetski” məhəlləsindən köçmək istəyən ailələrin sayının 2 minə çatmasını “məhəllədən sürətli köç başlaması” kimi dəyərləndirir.

“Yeni Müsavat” qəzeti Bakı-Moskva münasibətlərində təhlükəli məqamlar yaranması iddiasını və Putinin Azərbaycana qarşı qorxulu “B planı”nın işə salındığı iddiasını ilk səhifəyə çıxarıb.

Qəzet vergilər naziri Fazil Məmmədova Səudiyyə Ərəbistanında böyük biznes imkanları yaradılması iddiasını önə verərək, bunu “nazirin sələfilərlə işbirliyində olması” kimi dəyərləndirir.

MDİ-nin Bakı ofisinin bağlanmasını ekspertlər “Azərbaycan-Amerika münasibətlərinin soyuq və kəskin müstəviyə keçməsi” adlandırıblar.

Deputat Fazil Mustafa Bakıda türk liseylərinin bağlanmasını “Türkiyə baş naziri Erdoğanın Azərbaycana vurduğu ən böyük zərbə” adlandırıb.

Müdafiə naziri Yavər Camalova aid olduğu deyilən “Niaqara” restoranındakı montorinqdə “bağırsaq çöpləri” aşkar edib, restoran müdriyyəti isə standartlaşdırma komitəsinə 3 min manat rüşvət vermədikləri üçün belə durum yarandığını deyirlər.