Mətbuat-Monitorinq 05.10.13

Rəsmi və iqtidaryönlü qəzetlər dövlət başçısı İlham Əliyevin İndoneziyada keçirilən III İslam Həmrəyliyi oyunlarında qalib gələn idmançılarla görüşü barədə yazırlar. Bu qəzetlər adı çəkilən yarışlarda qalib gələn idmançılara nəticələrdən asılı olaraq 50 min manatdan 20 manata qədər mükafat verilməsi, bi sıra instansiya hakimlərinin təyin olunması haqda sərəncamların mətnlərini dərc ediblər. 

“Azadlıq” qəzeti seçki prosesini diqqətdə saxlayır. Sumqayıtda seçki saxtakarlığına start verilib, seçiçiləri iqtidarın xeyrinə nəzarətdə saxlamaq üçün “jek” işçilərindən cavabdeh şəxslər müəyyən olunub, qəzet buna dair sənəd çap edib. 

ATƏT-in media azadlığı üzrə xüsusi nümyəndəsi Dünya Miyatoviç rəsmi Bakını Milli Şuranın Sabirabad rayon aksiyasında jurnalistlərin döyülməsi faktını təcili araşdırmağa çağırıb. 

Prezidentıliyə namizəd Cəmil Həsənlinin vəkili Nurəddin Məmmədli Lənkəranda görüşün qarşısının alınmasına “Lənkəran Naxçıvandan sonra Azərbaycanın ikinci cəhənnəmidir” şərhi verib. 

Prezidentliyə namizəd C.Həsənlinin təbliğat bukletlərini paylayan Qəbələ sakini əsassız olaraq 7 sutka inzibati cəza alıb. 

Seçki prosesilə bağlı tele-debat fonunda “Prezidentin şərəf və ləyaqətinin qorunması haqda” qanun layihəsi hazırlanmasını ekspertlər “krallıq dövrünü xatırladan qanun” adlandırıblar.  

“Zerkalo” qəzeti Rusiyanın Azərbaycanı və Moldovanı münaqişələr vasitəsilə ram etmək istəyi nəticəsində, rus nağılında dediyi kimi, qazancının “sınıq təknənin yanında oturmaq” olacağını bildirir. 

Bakıda əhali sıxlığının dözülməz həddə çatdığını yazan qəzet ekspertlərə isnadən vaxtilə 1 ha sahəyə 70-80 nəfər düşdüyü halda, hazırda bu rəqəmin 500-ə yaxın adam təşkil etdiyini nəzərə çatdırır.  

“Ekspress” qəzeti Hərbi Hava Qüvvələri komandanı Altay Mehdiyevin Azərbaycanın hava məkanının etibarlı qorunmasını Ermənistanın “Zvartnos” aeroportunda 10 metr yüksəkliyə qalxan təyyarənin belə qeydə alınması bəyanatı ilə təsdiqləmək istədiyini yazr.  

“Exo” qəzeti ekspertlərə isnadən Bakının mərkəzində ev tikən şirkətlərin gəlirlərinin mənzillərin dəyərlərindən 3 dəfə artıq olduğunu diqqətə çatdırır. 

Azərbaycanda ən ucuz mənzil 23 min manata satılır, keçən il ilə müqayisədə belə mənzillərin dəyəri 25-30% bahalaşıb. 

“Yeni Müsavat” qəzeti vaxtilə İlham Əliyev iqtidarının əleyhinə fəaliyyət üçün yaradıldığı iddia edilən şərti “milyarderlər ittifaqı” adlı qurumun üzvü olan Dağıstan prezidentindən sonra, keçmiş məmur Abbas Abasovun da seçkilərdə İlahm Əliyevi dəstəkləmək çağırışını qəzet “Putinin Abas Abasovu xilas planı və şərti “milayrderlər ittifaqı”nı dağıtması” adlandırır.   

Avropa Parlamentində Azərbaycanda seçki proseslərilə bağlı ciddi müzakirələr gedir, bu müzakirələrdə seçki mühitinin gərgin, qeyri-bərabər şəraitdə keçməsi xüsusi oalraq vurğulanıb. Avropa Məhkəməsi Azərbaycanda sərbəst toplaşmaq azadlığının pozulması haqda ilk dəfə qərar çıxarıb.