Rəsmi qəzetlər dövlət başçısı İlham Əliyevin Zaqatala və Şəkiyə səfəri haqda xəbərləri ilk səhifələrdə yerləşdiriblər.
“Azadlıq” qəzeti Şərur rayonunda MTN-in keçmiş şefi Eldar Mahmudovun atasının adına olan liseyin sökülməsini, qurumun daha bir generalının həbsə alınmasını ilk səhifəyə çıxarıb.
Bundan əlavə, qəzet MTN ətrafındakı həbslər, parlament seçkilərilə bağlı dəyərləndirmələr, din-dövlət münasibətləri, sosial hüquqlar barədə yazır.
Rabitə Nazirliyinin daha bir yükəsk rütbəli əməkdaşının həbsə alınmasını qəzet “nazir Əli Abbasovun başı üzərində qara buludlar dolaşması” adlandırır.
Qəzet MTN-dən kənardakı həbsləri belə “Eldar Mahmudov izləri” axtarışının davam etməsi ilə əlaqələndirir.
Qəzet 2007-ci ildə “Səidin dəstəsi” şərti adı ilə dövlət çevrilişi ittihamı üzrə həbsə alınan 15 nəfərlik dindar qrupa aid şəxslərin yaxınları bunu MTN-in qanunsuzluğu sayaraq dövlət başçısına müraciət ünvanladığını nəzərə çatdırır.
Almaniya Bundestaqının deputatı Mariluize Bek rəsmi Bakıya “seçkilərin hakimiyyətin yaratdığı qorxu şəraitində keçməsi” kimi sərt ittiham səsləndirib.
Avropa Şurasının seçkiləri müşahidə missiyasının Almaniyadan olan üzvləri Azərbaycanda parlament seşkilərini “məzhəkə” kimi dəyərləndiriblər.
Ruhani Tale Bağırzadənin zorakılığa məruz qalması ilə bağlı Türkiyənin bəzi ünlü din xadimləri dövlət başçısı İlham Əliyevə “cahil polis rəisləri, icra başçılarının özbaşınalığı ilə Azərbaycan xalqı və dövlətini dünyaya güldürməyin” müraciətini ünvanlayıblar.
Nardaran ağsaqqalı Məşədi Natiq Kərimov Dini Komitənin məscidlərdən dini bayraqların yığışdırılması bəyanatını komitənin özünə aid olmayan işə qarışması sayıb.
Qaz anlaşmasında yaranan problemlə bağlı İlham Əliyevin Gürcüstan səfərinə siyasilər “böyük ehtimalla Gürcüstanın mövqeyini dəyişə bilməyəcək” şərhini veriblər.
Biləsuvar rayon Bəydilli kənd sakini Cavanşir adlı şəxs banklara borclu olmasına görə intihar edib.
“Ekspress” bəzi dərmanların qiymətlərinin bahalaşmasını “apteklərdəki özbaşınalıq” kimi dəyərləndirib.
MTN-in İctimai Əlaqələr İdarəsinin rəisi Arif Babayev keçmiş MTN-çilərin yenidən xidmətə qəbul olunmaları haqda açıqlama verib.
“Exo” paytaxtın ictimai yerlərində ana və uşaq otaqlarının olmadığını yazaraq azı 200 belə otağın yaradılmasını təklif edib.
Yaşayış minimumunun 146 manat nəzərdə tutulmasına “ancaq mövcud olmaq olar” mövqeyini sərgiləyən ekspertlər bu minimumun ən azı 250 manat olmalı olduğunu bəyan edirlər.
“Novoe Vremya” Bakının Avropaya 100 il enerji təhlükəsizliyini təmin etməsi vədini ilk səhifəyə çəkib.
“Bizim yol” ölkə banklarındakı əmanətlərin 90%-nin risk altında olmasını ilk səhifəyə yerləşdirib.
Qəzet müştəriləri özlərindən xəbərsiz olaraq müxtəlif xidmətlərə qoşmaqla mobil telefon operatorlarının milyonlarla qazanc əldə etdikərini nəzərə çatdırır.
“Yeni Müsavat” MTN-in keçmiş şefi Eldar Mahmudovun Bakı meri Hacıbala Abutalıbovu oğlu vəhabi olduğuna görə “soyması”nı önə çəkib.
Ekspertlər Vergilər Nazirliyində iş adamlarının sıxışdırılmasına “illik planı doldurmaq üçün sahibkarları sıxışdırır və kəsiri örtməyə çalışırlar” şərhini veriblər.
Ekspertlər qanunla qadağan olunmasına çalışılan falçılıq və cadugərliyə 2012-ci ildə Azərbaycanda ildə 200 milyon manat xərcləndiyini bəyan edirlər.
Qəzetin yazdığına görə, toyöncəsi müayinədən keçən 161 gəncdə siflis xəstəliyi aşkar edilib.
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz