Mətbuat-Monitorinq 06.02.13

Rəsmi qəzetlər dövlət başçısı İlham Əliyevin qəbulları haqqında yazır. Bundan əlavə, Əmək Məcəlləsi, Sərhəd Xidməti və sərhəd qoşunları haqqında qanunlara dəyişikliklərlə bağlı sərəncamlar bu qəzetlərdə əksini tapıb.  

“Yeni Azərbaycan”, “Azərbaycan” və “Xalq qəzet”lərində Əkrəm Əylislinin “Daş yuxular” əsərilə bağlı yazıçının ünvanına ittiham və təhqir olan yazılrara geniş yer veriblər. 

“Azadlıq” qəzeti yazıçı Əkrəm Əylislinin “Daş yuxular” əsərinə görə oğlu və xanımının işdən azad edilmələrini manjetə çıxararaq ailənin ölkədən getməyə hazırlaşdığını yazır. 

Xalq üsyanlarının yaratdığı narahatlıqla bağlı PA icra başçılarının müşavirəsini keçirməyə hazırlaşır. 

Ekspertlər ölkə prokurorluğunun “Azadlıq” qəzetinə xəbərdarlığını “əsassız  və qəzetə siyasi təzyiq” adlandırıblar. 

İctimai etirazlara görə Azərbaycan vətəndaşlarının kütləvi həbsini ABŞ ekspertləri “iqtidarın problemləri həll etməyə qadir olmaması” sayıblar.   

İqtidarın kütləvi həbslərin sayını artırmasını hüquqşünaslar “iqtidarın öz qəbrini daha dərin qazması” adlandırıblar.

“Texnikabank”ın Yasamal rayon fililalının müdiri və əməkdaşlarının həbsə alınıb.

Postsovet məkanının kriminal aləminin nüfuzlu simalarından Rövşən Lənkəranski Türkiyədə güllələnib. 

“Zerkalo” ABŞ-ın rəsmi Bakıdan siyasi məhbusları azad etməsinə cavab olaraq əksinə siyasi məhbusların sayının artmasına “Azərbaycan hələlik ABŞ-ın müttəfiqi ola bilməz” qənaətini ifadə edir. 

Qəzet Əkrəm Əylislinin “Daş yuxular” əsərinə görə oğlunun işdən azad olunmasına “oğul ataya görə cavabdeh deyil” kəlamını yada salaraq “Əkrəm Əylislinin oiğlu niyə işdən azad edilib?” sualını gündəmə gətirir.

“Ekspress”. Azərbaycan sərhədini pozan iki nəfər İran vətəndaşının  sərhədçilər tərəfindən güllələnib. 

Media qurumlarının 2012-ci ildə 35 dəfə məhkəməyə verildiyini yazan qəzet “Diffamasiya haqqında” qanunun qəbulunun aktuallaşdığını bildirir.  

“Exo” ekspertlərə istinadən səmərəli xərcləndiyi halda 300 milyon manat vəsaitin əhaliyə sosial dəstək üçün tamamilə yetərli olduğunu iddia edir. 

“Novoe Vremya” “Şahdəniz” qaz yatağının ikinci fazasının vaxtından əvvəl  prezident seçkiləri gününə təhvil verilməsini “iqtidarın enerji ehtiyatlarından öz məqsədləri üçün istifadə etməsi” kimi dəyərləndirir. 

“Bizim yol” yazır ki, rəsmi Bakı Rüstəm İbrahimbəyovun sədri olduğu Kinematoqrafçılar İttifaqının dövlət qeydiyyatını ləğv etməyə hazırlaşır. 

İqtidarın ölkədəki narazılıqları polis gücünə yatrımağa çalışmasına politoloqlar  “bütün ölkəni “çevik güclə saxlamaq mümkün deyil” bəyanatını səsləndiriblər. 

“Yeni Müsavat” Əkrəm Əylislinin “Daş yuxular” əsərinə görə oğlunun işdən azad olunmasını ilk səhifəyə çıxararaq bunu “Daş yuxular”ın ailənin başında çatlaması” adlandırır. 

“Bloomberg” agentliyi Azərbaycanda etirazların güclənməsini “Bakıdakı neft səltənətinin facebook yürüşlərilə çalxalanması” kimi dəyərləndirir.