ATƏT-in fəaliyyətdə sədri Minsk Qrupunun həmsədrləri ilə görüşüb

ATƏT-in fəaliyyətdə olan sədri, Ukrayna XİN rəhbəri Leonid Kojara Minsk Qrupunun həmsədrləri səfir İqor Popov (Rusiya), Jak For (Fransa) və İen Kelli (BMT), ATƏT-in fəaliyyətdə  olan sədrinin şəxsi nümayəndəsi, səfir Anjey Kaspşiklə görüşüb.  

ATƏT-in məlumatında deyilir ki, söhbət zamanı Minsk Qrupun həmsədrlərinin ötən həftə Parisdə Azərbaycan və Ermənistanın xarici işlər nazirləri ilə görüşünün nəticələri müzakirə olunub.  Paris görüçündə ötən ilin sonlarında vasitəçilərin tərəflərə təqdim etdikləri dinc prosesin irəliləməsi üzrə təkliflərə, həmçinin inamın möhkəmləndirilməsi üzrə tədbirlərə baxılıb.

ATƏT-in fəaliyyətdə olan sədri Minsk Qrupu həmsədrlərinin atəşkəs    rejiminin möhkəmləndirilməsinə yönələn səylərini və Dağlıq Qarabağ münaqişəsinin dinc yolla nizamlanması üzrə danışıqlarda tərəflərə yardımını dəstəkləyir.

“Bu, Ukraynanın ATƏT-də sədrliyinin prioritetidir – bu prosesin irəliləməsi üçün tərəflərlə işləmək. Mən regiona sülhü gətirmək üçün tərəfləri təmkin və siyasi iradə nümayiş etdirməyə çağırıram”, - L.Kojara vurğulayıb. —06D—