Mətbuat-Monitorinq 06.03.13

Rəsmi qəzetlər dövlət başçısının qəbulları, sərəncam və fərmanları haqqında yazırlar. 

“Azadlıq” qəzeti Goranboyda fəhlələrin pullaranı ala bilməməsinə, Masallıda inzibati ərazi bölgüsündə etiraz aksiyalarının  keçirilməsini önəmli sayaraq manjetə çıxarıb.

Ölkə siyasiləri dövlət başçısı İlham Əliyevin idarəetməyə nəzarət üçün yaratdığı İctimai Şuranı “mənasız qurum” kimi şərh ediblər. 

Rusiyanın Azərbaycanla qarşıdurmaya getməsini ekspertlər rəsmi Kremlin hakimiyyətə öz adamını gətirmək cəhdi sayırlar. 

Son vaxtlar ölkədə rayon icra başçılarının dəyişdsirilməsi prosesinə politoloqlar “şəxslər yox, rejimin mahiyyəti dəyişməlidir” mövqeyini ifadə ediblər. 

Deputatların bir qismi nəqliyyat naziri Ziya Məmmədovun oğlu Anar Məmmədovun inhisarında olan “Topaz” futbol-mərc oyunlarını qumar sayaraq bağlanmasını təklif ediblər.

“Ekspress” ABŞ-ın mərhum prezidenti Reyqanın müşaviri Bryus Feynin “erməni soyqırımı” nağıldır” bəyanatını günün hadisəsi sayaraq ilk plana çıxarıb.

“Exo” Azərbaycanın İnternet-trafik sürəti üzrə 182 ölkə arasında 119-cu yeri tutması xəbərini günün aktual hadisəsi sayaraq ön səhifəyə çıxarıb.

“Novoe Vremya” parlamentdə deputatların müzakirələrdə tənqid  etdikləri məsələlərin lehinə səs vermələrinə “yenə də həmrəylik “bəyənişi” ironiyasını ifadə edib. 

“Bizim yol” milli azlıq nümayəndələrinin Rusiyada Azərbaycana qarşı çıxmağa təhrik olunmalarını “Kremlin Azərbaycanda növbəti separatizm layihəsi” kimi dəyərləndirir. 

“Yeni Müsavat” iqtidar-müxalifət münasibətlərində mülayimləşmə mövzusnu önəmli, həm də “Qərb diplomatlarının Bakıdakı gizli layihəsi” sayaraq ilk səhifəyə çıxarıb.

Rusiyanın “Qolos Rossii” radiosunun martın 3-də canlı yayımda “Gülərgeyt” qalmaqalı və İsmayıllı hadisələrindən danışması, iqtidarıln ünvanına tənqidləri  iki dövlət arasında münasibətlərin göstəricisi sayılır.   

Hüquq müdafiəçisi Vidadi İsgəndərli bildirib ki, bu günlərdə ordu sıralarında ölməsi ilə ölkədə qalmaqala səbəb olan əsgər Seymur Allahverdiyevin atasına prokurorluqda təzyiq göstərərək televiziyaya çıxıb müxalifəti pisləməyi tələb ediblər.