Rəsmi qəzetlər bəzi qanunlara dəyişikliklərin mətnlərini, Azərbaycanın Cənubi Qafqazın “qüdrətli” dövləti kimi qəbul edilməsi haqda məqaləni ilk səhifələrdə yerləşdiriblər.
“Azadlıq” qəzeti Milli Şuranın “Talana son” şüarı altında aprelin 5-də keçirilən aksiyasını “möhtəşəm mitinq” reaksiyası ilə manjetə çıxarıb. Milli Şura sədri Cəmil Həsənli qurumun 5 aprel aksiyasını “kütləviliyin təmin olunması”, AXCP sədri Əli Kərimli isə “vətəndaşların Milli Şuranın çağırışına cavab verməsi” kimi dəyərləndirir.
“Amnesty İnternational” beynəlxalq hüquq müdafiə qurumunun Hiderland bölməsi Azərbaycanda qanunvericiliyin mürtəceləşdirilməsinə və siyasi həbslərə yol açmasına etiraz olaraq aprelin 18-də imzatoplama kampaniyasına başlayacağını bildirir.
Qəzetin yazdığına görə, deputat Aydın Abbasov atası Abbas Abbasovla rəsmi Bakı arasındakı narazılığa grörə Azərbaycanı tərk edərək birdəfəlik Türkiyəyə köçüb.
Ölkənin iqtisadi durumu ilə bağlı qəzetə şərh verən ekspertlərə görə, Azərbaycan inhisar üzündən dünya ölkələrilə rəqabət apara biləcək gücdə deyil.
Ekspertlər ARDNŞ prezidenti Rövnəq Abdullayevin 2017-ci ildə neftin dəyərinin 80-90 dollara qalxacağı haqda açıqlamasını “yalançı optimizm” adlandırıblar.
Gorbanboy rayonu Səfikürd kənd sakini Ramin Çıraqov çağırışa gələn təcili yardım briqadasının tibb bacısı Əminə Cabbarlıya 17 bıçaq zərbəsi vurub.
“Yeni Müsavat” qəzeti Qərb-İran arasındakı Lozanna anlaşmasını aktual sayaraq ilk səhifəyə çıxarıb və bunu Qərbin Ermənistan üçün “İran nəfəsliyini böyütməsi”, Bakı ilə Ankaranın regiondakı önəminə “Lozanna təhlükəsi” kimi dəyərləndirir.
Azərbaycanda siyasi məhbusların durumuna toxunan qəzet İntiqam Əliyevin ailəsilə görüşdüyünü, NİDA-çı Ömər Məmmədovun səhhətinin pisləşdiyini, Rauf Mirqədirovun istintaqının aparılmadığını nəzərə çatdırır.
Qəzet Milli Şuranın aprelin 5-də keçirdiyi aksiya barədə yazı dərc edərək, qurum rəhbərliyinə isnadən aksiyaların davamlı olacağını qeyd edir.
Ölkənin maliyyə bazarındakı mövcud durumu “proqnozlaşdırılması çox çətin olan yeni situasiyanın yaranması” kimi dəyərləndirən deputat Əli Məsimli manatın ikinci devalvasiyasının da qaçılmaz olacağı xəbərdarlığı edib.
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz