Mətbuat-monitorinq 06.06.14

Rəsmi qəzetlər səhifələrində Türkiyənin Bodrum şəhərində Türk Dövlətlərinin Əməkdaşlıq Şurasının IV Zirvə toplantısı haqda yazılara geniş yer veriblər.

Bundan əlavə, bu qəzetlərdə tanınmış şair, ictimai xadim Vaqif Səmədoğlunun (Vaqif Səməd oğlu Vəkilov)  “İstiqlal” ordenilə təltif olunması haqda dövlət başçısı İlham Əliyevin sərəncamının mətnini dərc ediblər.

“Azadlıq” qəzeti Azərbaycanı Avrasiya İqtisadi İttifaqına üzv edə bilmək üçün RF rəsmilərinin sıxlaşan səfərlərinə toxunaraq, “rəsmi Bakı Ukrayna məsələsində ATƏT PA-da RF-ni müdafiə edə bilməyəcəksə, Kremllə eyni mövqedən necə çıxış edəcək?” kontrastını ilk səhifəyə çıxarıb.

Rusiya tərəfin iri layihələri maliyyələşdirmək üçün Azərbaycanla birgə Fond yaratmaq bəyanatına ekspertlər “dünya ölkələrilə münaqişə durumunda olduğu üçün Rusiya “riskli zona”dır” cavabı veriblər.

Ekspertlər 2013-cü ilin dövlət büdcəsində 1 milyard manata yaxın qalığın necə istifadə edilməsinin hələ də bəlli oldmadığını açıqlayıblar. 

“NİDA”çı gənclər barədə ədalətsiz məhkəmə qərarına etiraz aksiyasında iştiraka görə bir ay inzibati həbs çəkmiş Kəmalə Bənənyarlı həbsi ərzində aldığı işgəncələri “erməni əsir qadına qarşı belə davranış göstərilməzdi” deyə anladıb.

Aparılan yoxlamalar nəticəsində “Bank of Baku”nın Müşahidə Şurasının sədrliyindən uzaqlaşdırılan Elçin İsayevin yenidən həmin vəzifəyə qayıtmasını qəzet “bank ətrafında müəmmalı proseslərin getməsi” adlandırır.

“Ekspress” qəzeti yazır ki, ARDNŞ bu il ölkənin enerji resursları yataqlarından 41.2 milyon ton neft və 28,8 milyard kubmetr qaz hasil olunacağını bildirib.

“Novoe Vremya” qəzeti insan haqları sahəsində durumun ağır olduğu Azərbaycanın AŞ Nazirlər Komitəsinin sədri kimi fəaliyyəti haqda AŞPA-nın sessiyasına hesabat verəcəyinə “AŞPA Azərbaycan təmsilçilərini gözləyir” mövqeyi ifadə edir.

Rəsmi Bakının “Qərb, yoxsa Rusiya” seçimi edə bilməməsinə və buna görə Qərb ölkələrində bir cür, Rusiyada bir başqa cür bəyanatlar səsləndirməsinə qəzet “kimə inanaq?” sualı ünvanlayır.

“Bizim yol” qəzeti “Coca-Cola” şirkətinin üzərində “NİDA” sözü yazılan içkiləri satışa çıxardığı üçün Bakıdakı bir çox böyük marketlərin şirkətlə ticari əlaqələrdən imtina etməsini ilk səhifəyə yerləşdirib. 

Ağır xəstəliyiə düçar olan şair Vaqif Səmədoğlu çoxdan layiq olduğu “İstiqlal” ordenilə bu günlərdə keçirilən 75 illik yubileyində təltif edilib.

Qəzet Səudiyyə Ərəbistanı nümayəndə heyətliə görüşdə QMİ sədri, Şeyxülislam Allahşükür Paşazadənin jurnalistlərə Qərb ölkələrinin müsəlmanları üz-üzə qoyması haqda açıqlamasını “Şeyxin antiqərb bəyanatı” kimi dəyərləndirir.

Qəzet ekspertlərə insadən qızılın ucuzlaşması ilə Neft Fondunun aldığı qızıl etiyatına görə 243,2 milyon manat zərər fərqi yarandığını bildirir.

“Yeni Müsavat” qəzeti nazir Ziya Məmmədovun və şəriki Hafiz Məmmədovun hər an “vurula” biləcəkləri üçün sərvətlərini xaricə daşımaları iddiasını önə çəkib.

Vəkil Elton Quliyevin sözlərinə görə, həbsdə olan “NİDA”çı Bəxtiyar Quliyevin həbs edilən yoldaşlarının əleyhinə verdiyi etiraf ərizəsinin surəti gənclərə verilərək “gedin, düşünün” deyiblər.

50 deputatın siyahısını dərc edən qəzet bu şəxslərin 2015-ci ildə deputat mandatı almayacaqları “uzaqgörənliyi” edib.

“Dalğa Palace” Milli parkın icarəyə götürdüyü ərazisində avtomobillərin saxlanması üçün heç bir əsas göstərmədən, qiymətləri 50 qəpikdən 1 manata qaldırıb.