Rəsmi qəzetlər dövlət başçısı İlham Əliyevin “Dini Mədəniyyətin İnkişafı” Fonduna 3 milyon manatın ayrılması haqda sərəncamının mətnini ilk səhifələrdə yerləşdiriblər.
“Azadlıq” qəzeti Bakı Beynəlxalq Dəniz Ticarəti Limanında kütləvi ixtisarları “YAP-çıların kütləvi ixtisarı” iddiası ilə manjetə çıxarıb.
Qəzet REAL Hərəkatının sədri İlqar Məmmədovun həbsxanada fiziki təzyiqlərə məruz qalması ilə bağlı AŞ-nin baş katibi T.Yanqlandın ədliyyə naziri Fikrət Məmmədova müraciət etdiyini yazır.
Sağlıq durumları pis olan Arif və Leyla Yunusların məhkəmə prosesinin davam etməsini AXCP sədri Əli Kərimli “hökumətin növbəti özünü ifşası” hesab edir.
AXCP funksioneri Gözəl Bayramlı Azərbaycanda siyasi müstəvini “müxalifətlə iqtidar arasında yox, xalqla rejim arasında mübarizə” kimi dəyərləndirir.
“Freedom Hose” təşkilatının prezidenti rəsmi Bakıya ünvanlı sanksiya tətbiqinin mümkünlüyü barədə bəyanat səsləndirib.
Qəzet parlament seçkisi öncəsi durumu “iqtidarın seçkilərə vətəndaşın səsinə yox, yaratdığı xof mühitinə arxayın olaraq getməsi” adlandırır.
Qəzet regionların inkişafı adı ilə 51 milyard manatın xərclənməsini, amma istənilən nəticənin olmamasını “51 milyardlıq israfçılıq” adlandırır.
“Ekspress” xarici ali məktəblərə imtahansız daxil olan azərbaycanlı tələbələrin aldıqları diplomların tanınmaya biləcəyi barədə xəbərdarlığı önə çəkib.
“Exo” Azərbaycanın maliyyə-bank sistemilə bağlı durumu təhlil edərək ekspertlərin ölkədə 10-dan çox bankın qalmayacağı proqnozlarını diqqət mərkəzinə çəkib.
“Novoe Vremya” son 22 ildə ölkədə ədalətli seçki keçirilməməsini “seçkilərin düzgünlüyü nələrə zəmanət verə bilər?” sualı ilə gündəmə gətirir.
“Bizim yol” “cəmi 2 işçisi olan “Fəqan” şirkətinə milyonların həvalə edilməsini tenderlərin formal keçirilməsinin sübutu kimi ilk səhifəyə yerləşdirib.
Qəzet “Texnlkabank”da ipoteka ödənişlərinin dayandırıldığını, bankın bütün ipoteka müştərilərinin başqa banklara köçürüləcyini bildirir.
“Yeni Müsavat” dövlət başçısı İlham Əliyevin nazirlərə adları rüşvət, korrupsiya və s. hallanan adamlarını “təmizləmək” barədə tapşırıq verməsi iddiasını ilk səhifəyə çəkib.
Qəzet Qənimət Zahidin rəhbəri olduğu “Azərbaycan saatı” teleproqramının yayımına görə həbslərə məruz qalan qohumlarından jurnalist əleyhinə aldığı müsahibəni dərc edib.
Ekspertlər son bir ayda maliyyə sahəsindəki durumu “manatın əleyhinə işləməsi və milli valyuta üçün ciddi təhlükə olması” kimi dəyərləndirirlər. Ekspertlər dünyada netfin dəyərdən düşməsini təhlil edərək ilin sonuna kimi qiymətin hətta 40 dollara qədər düşəcəyi proqnozunu veriblər.
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz