![HRW: Leyla və Arif Yunuslara qarşı ədalətsizliyə son qoyulmalıdır](https://turan.az/resized/750/500/resize/media/2015/main/080600125236.jpg)
HRW: Leyla və Arif Yunuslara qarşı ədalətsizliyə son qoyulmalıdır
Azərbaycan hakimiyyəti ağır vəziyyətdə olan yaşlı hüquq müdafiəçiləri Leyla və Arif Yunuslara qarşı təqiblərə son qoymalı, onları dərhal azad etməlidir. Human Rights Watch təşkilatı bəyan edib.
Avqustun 3-də Arif Yunusun arterial təzyiqi kəskin qalxıb və o, məhkəmə zalında huşunu itirib. Avqustun 4-də və 5-də dinləmələr zamanı vəziyyəti yaxşı olmayıb.
“Leyla və Arif Yunusların təqib olunması və həbsi ədalət mühakiməsinin parodiyasına çevirlib, onların səhhətinin pis olduğunu nəzərə alsaq bu cür məhkəmə prosesi yalnız qınaq doğurur”, - HRW-nin Avropa və Mərkəzi Asiya üzrə direktoru Hyu Uilyamson bildirib.
“Bu yaşlı adam nə dərəcədə xəstədir ki, hətta otura da bilmir. Bu, məhkəmənin oyunbazlıq, siyasi sifarişli proses olduğunu təsdiqləyir”, - o qeyd edib.
L.Yunusun vəkili Elçin Qəmbərov HRW-yə bildirib ki, avqustun 4 və 5-də dinləmələrdən öncə və dinləmə zamanı A.Yunusa iynə vurublar. Lakin o çətinliklə oturub. Zalda olduğu müddətin böyük hissəsini müttəhimlər üçün şüşə barmaqlıqda başını həyat yoldaşının dizlərinə qoyaraq uzanıb.
İyulun 15-də ilkin dinləmələr zamanı L.Yunus jurnalistlərə bildirib ki, həyat yoldaşının boynunda şiş əmələ gəlib, lakin həkimlər diaqnoz qoymayıblar.
Son 18 ayda A.Yunus iki dəfə hipertonik kriz keçirib, ona ürək çatışmazlığı diaqnozu qoyulub.
İyulun 27-də başlayan məhkəmə prosesi başa çatma mərhələsindədir. Avqustun 6-da yekun ittihamnamənin oxunması gözlənilir. Lakin müdafiə tərəfi hazırlıq üçün 10 gün vaxt istəyib.
Hakimiyyət müstəqil jurnalistlərin və müşahidəçilərin məhkəməyə girişini məhdudlaşdırıb.
Arif və Leyla Yunusların həbsi hüquq müdafəçilərinin, müstəqil jurnalistlərin, blogerlərin və müxalifət fəallarının həbsi və qorxudulması kampaniyasının bir hissəsidir.
“Leyla və Arif Yunuslar tibbi yardıma ehtiyacı var. Azərbaycanın beynəlxalq tərəfdaşları qətiyyətlə və yekdilliklə bu məhkəmə prosesini pisləməlidirlər”, - Hyu Uilyamson vurğulayıb.02D-
-
- İqtisadiyyat
- 6 Avqust 2015 11:56
-
- Cəmiyyət
- 6 Avqust 2015 13:07
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz