![Mətbuat-Monitorinq 07-08.07.13](https://turan.az/resized/750/500/resize/media/2013/main/070700041782.jpg)
Mətbuat-Monitorinq 07-08.07.13
Rəsmi və iqtidaryönlü qəzetlər dövlət başçısı İlham Əliyevin Qazaxa səfəri, bəzi obyektlərin açılışında iştirakı haqda yazırlar. Bundan əlavə, bu qəzetlərdə Tamara Sinyavskayanın “Dostliq” ordeni ilə təltif edilməsi, Tovuz rayonunun sosial inkişafı üçün 2 miylon manat vəsaitin ayrılması haqda sərəncamların mətnləri dərc edilib.
“Azadlıq” qəzeti rəsmi Bakının qarşıdakı prezident seçilərindəki ssenarisini açır, hakimiyyətə veriləcək səslərin parçalanmaması naminə bu il iqtidar öz “yedək” partiyalarını seçkiyə buraxmır.
İctimai Palatanın üzvü Mehriban Vəzir eks-deputat Gültəkin Hacıbəylinin övladının keçmiş həyat yoldaşına verilməsini “rejimin insanları doğmaları ilə imtahana çəkməsi” adlandırır.
Keçmiş rektor Elşad Abullayev qardaşı Mahur Abdullayevin itkin düşməsilə bağlı növbəti video-sənəd yayıb. Sənəddə M.Abdullayevin tapılması üçün polis polkovniki Telman Muradov danışıqları Ramiz Mehdiyevin oğlu Teymur Mehdiyevin adından aparıb.
Ölkə məhkəmə sisteminə özünəməxsus etiraz baş verib. Belə ki, iyunun sonlarında gecə vaxtı Nərimanov Rayon Məhkəməsinin binasına girən şəxslər zallara, dəhlizə, hakim otaqlarına yüzlərlə təhqiramiz ifadələr yazıblar.
Mətbuat Şurası ölkə jurnalistlərinin qurultayının vaxtını bir gün irəli çəkməklə iyulun 12-də yox, iyulun 11-də keçirməyi nəzərdə tutur.
“Yeni Müsavat” rəsmi Bakının seçki məntəqələrinə təyin edilmiş şəxslərə seçki ərazisinin xüsusiyyətini öyrənmək üçün yaddaş hazırlamasını önə çəkib.
Qəzet Milli Şuranın iyulun 9-da keçirilməsi gözlənilən iclasında 3 partiyanın Müsavat Partiyasının başqanı İsa Qəmbərə təzyiq planı hazırladığını iddia edir.
Xalq artisti Nazpəri Dostəliyevanı müdafiə etdiyinə görə müğənni İlhamə Quliyevanın tənqidlərinə məruz qalan deputat Çingiz Qənizadə müğənniyə “yaşlı qadın, psixoloji problemləri olması ilə bağlı əcsəblərini müalicə etdirməyi” tövsiyə edib.
“Bakı Xəbər” Müsavat Partiyasının başqan müşaviri Yadigar Sadıqovun həbsinə separatçı Ələkrəm Hümbətovun “etnik azlıq” damğası vurmaq istəməsinə “Azəri-Talış” İctimai Birliyinin rəhbərliyi “bu, siyasi həbsdir, etnik azlıq əsaslı deyil, Y.Sadıqov isə milli mənsubiyəti baxımından heç talış da deyil” cavabını verib.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz