“Azadlıq” qəzeti İranın Azərbaycandakı səfirinin İranla Azərbaycan arasında ticarət dövriyyəsinin 1 milyard dollar, Azərbaycan tərəfin isə bunun 3 dəfə az olması haqda açıqlamasını “İranla ticarətdə müdhiş maxinasiya” adlandırır.
Milli Şuranın İdarə Heyətində təmsil olunması ehtimal edilən şəxslərin siyahısını mətbuata “EL” Hərəkatından ötürüldüyünü deyən Şura sədri Cəmil Həsənli bu siyahıdan Hərəkat sədri Eldar Namazovun narazı qalmasını nəzərə çatdırıb.
Xalq Cəbhəsi Partiyası Müsavat Partiyasının ikitərəfli əməkdaşlıq haqda saziş imzalanması təklifinə mənfi cavab verib.
Xalq Cəbhəsi Partiyası Binəqədi müvəqqəti saxlanma təcridxanasında gənclərə işgəncə verilməsinə etiraz bəyanatında “təcridxana işgəncə yerinə çevrilib” xəbərdarlığını edir.
Məmur özbaşınalığına etiraz olaraq Qarabağ qazisi Zaur Həsənli 2013-cü il dekabrın 25-də özünü yandırıb və vəkil Aslan İsmayılov intihara “bu ölümdə deputat Səttar Mehbalıyev qədər hüquq-mühafizə orqanları da suçludur” şərhini verib.
2013-cü il dekabrın ortalarında Birləşmiş Ərəb Əmilriyində həbsə alınan və diplomatik müdaxilədən sonra azad edilən Binəqədi Rayon Polis İdarəsinin keçmiş rəis müavini Cavadağa Sultanov məhkəmədən yayındığı üçün yanvarın 6-da səhər yenidən həbsə alınıb.
“Bizim yol” dövlət başçısı İlham Əliyevin Gəncədə rəsmi açılışlara qatılmamasını əsas gətirərək bunu Gəncənin icra başçısının vəzifəsindən uzaqlaşdırılacağı kimi dəyərləndirir.
“Azəriqaz”da kütləvi ixtisarlar olacağını yazan qəzet qaz idarələrinin ləğv ediləcəyini bildirir.
“Financial Times” jurnalı 45 milyard dollara başa gələn “Şahdəniz” qaz kəmərlərinin çəkilməsi sazişlərinin imzalanmasına baxmayaraq, qeyri-müəyyənliklərin qaldığını yazaraq “Azərbaycan qazına ehtiyac olmaya bilər” proqnozunu verir.
“Yeni Müsavat” Binəqədi Rayon Polis İdarəsinin keçmiş rəis müavini Cavadağa Sultanov Birləşmiş Ərəb Əmirliyində ermənilərlə əlbir olaraq azərbaycanlı iş adamlarına 7 milyon dollar zərər vurduğuna, istintaqdan yayındığına görə həbsə alınıb. O 2013-cü ilin dekabrında tutulanda diplomatik müdaxilə nəticəsində həbsdən azd edilmişdi.
“NİDA” Gənclər Hərəkatının rəhbərliyi Müsavat Partiyasının ikitərəfli əməkdaşlıq haqqında saziş imzalamaq təklifinə “hər hansı partiya ilə rəsmi müqavilə imzalamaq vacibliyi hiss etmirik” mövqeyini ifadə edib.
Açıq Cəmiyyət Partiyasının keçmiş sədri Sülhəddin Əkbər yeni yaradacaqları partiyanın Azad Demokratlar Partiyası (ADP) adlanacağını bildirib.
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz