Mətbuat-Monitorinq 07.02.13

 

 

Rəsmi qəzetlər dövlət başçısı İlham Əliyevin qəbulları, akademik Mirəsədulla Mirqasımovun 130 illik yubileyinin keçirilməsi haqda sərəncam imzalaması barədə yazırlar. Eyni zamanda bu qəzetlərdə ölkədəki əksər ictimai-siyasi qüvvələrin Əkrəm Əylislinin “Daş yuxular” əsərini tənqiddən kənarda saxlamasına etiraz olan yazılar dərc edilib. 

 

“Azadlıq” qəzeti PA rəhbəri Ramiz Mehdiyevin Paşayevlərin seçki planını pozmağa yönələn addım atması iddiasını önəmli sayaraq manjetə çıxarıb və bunu “R.Mehdiyevin yenidən hücumda olması” kimi dəyərləndirir. 

İctimai-siyasi bloka dair yazılarda qəzet beynəlxalq ekspertlərin rəsmi Bakıya  inqilab xaosundan azad olmaq üçün əhalinin artan qəzəbini dərk etmək tövsiyəsi verməsinə diqqət çəkir. Beynəlxalq ekspertlər ölkədəki gərginliyi “Əliyev hökumətinə qarşı real təhlükə olması” kimi dəyərləndirir. 

İsmayıllı olayları, bu fonda ölkə siyasətçiləri İlqar Məmmədov və Tofiq Yaqublunun həbsi haqda ABŞ qəzetlərində məqalələr yer alıb.   

Yerli hüquq müdafiəçiləri regionlarda artan etirazların iqtidarı təşvişə saldığını bəyan edirlər. 

QHT-lərlə bağlı qanuna nəzərdə tutulan dəyişikliklər biabırçılıq sayılır və bu, “iqtidarın demokratiya qrantlarını nəzarətə götürməsi” adlandırılır. 

Qaçqın gənclər birlikləri “Daş yuxular” əsərinə görə bütün ad və titullardan məhrum edilməsi üçün Əkrəm Əylislini məhkəməyə verməyə hazırlaşır. 

Türkiyədə Heydər Əliyevin diktator kimi tədris olunduğu nəzərə çatdırılır.  

 

“Zerkalo” İranda prezidentliyə namizəd Xarrozinin Azərbaycanla yanaşı Ermənistanı da İrana birləşdirmək haqda vədinə “İranda Putinin rəqibinin ortaya çıxması” mövqeyini ifadə edir. 

Qəzet cərimələrə baxmayaraq, iş adamlarının istifadə müddəti başa çatmış məhsullarl alver etməsinə diqqət çəkilir.

 

“Ekspress”. Dövlət başçısının fərmanına əsasən KİV-lərdə barələrində məlumat yayılan tibb müəssisələrində yoxlamalar aparılacaq. 

Deputat İlyas İsmayılovun məmur və deputatlara bizneslə məşğul olmağı qadağan edən qanun layihəsi qəbul olunmayıb. 

 

“Exo”. Ölkə yollarındakı tıxaclarla bağlı Azərbaycan vətəndaşları hər il 130 milyon manat “yandırır”. 

 

“Novoe Vremya” rəsmi Bakının bölgələrdə xalq üsyanlarına zorakılığını “yeganə, amma alovlu ehtiras: hakimiyyəti saxlamaq” mövqeyi ilə ifadə edir. 

Deputat və məmurların  bizneslə məşğul olmasına qadağa qoyan qanun layihəsinin qəbul edilməməsi “deputatların oturduqları budağı kəsməmək qərarı” kimi dəyərləndirilir. 

 

“Bizim yol” rəsmi Bakının partiya, QHT və dini icmaları total nəzarətə götürməsini “iqtidarın antiinqilab ssenarisinin işə düşməsi” adlandırır.   

Ekspertlər Əkrəm Əylislinin “Daş yuxular” əsəri ətrafında ajiotajı “iqtidarın hakimiyyətini qorumaq vasitəsinə çevirməsi” kimi dəyərləndirirlər. 

 

“Yeni Müsavat” 23-24 yanvar İsmayıllı olayları ilə bağlı həbslərin davam etdiyini yazır. Ağcabədidə YAP rayon təşkilatının sədri Arif Quliyevin qardaşı Nizami Quliyevin narkotik maddə ittihamı ilə həbsə alındığı bildirilir.   Hüquq müdafiəçiləri İsmayıllı hadisələrilə bağlı həbslərə görə məsələni Avropa Şurasında qaldıracaqlarını deyiblər.   

İranda prezidentliyə namizəd Xarrozi prezident seçildiyi halda Azərbaycanı İrana birləşdirəcəyini vəd verib.  

 

Rəy yaz

Cəmiyyət

Чего добивается Россия в Армении, и что обещали Еревану на трехсторонней встрече в Брюсселе? - беседа с Тиграном Хзмаляном в программе "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Bizi sosial şəbəkələrdə izləyin

Xəbər lenti