Dini Qurumlarla İş üzrə Dövlət Komitəsinin sədri Elşad İsgəndərov Səudiyyə Ərəbistanında səfərdədir.
Fevralın 6-da E.İsgəndərov krallığın islam işləri naziri Şeyx Saleh bin Əbdüləzizlə görüşüb. Görüşdə E.İsgəndərov iki ölkə arasında münasibətlərin durumundan razılığını bildirib. Komitə sədri Azərbaycanda dövlət-din münasibətləri, qurumun son dövrdə fəaliyyəti, yeni təşəbbüslər haqda nazirə bilgi verib.
Öz növbəsində nazir Səudiyyə Ərəbistanındakı tarixi-dini ənənələr, dövlətin din siyasəti, rəhbəri olduğu nazirliyin strukturu və fəaliyyəti haqda qonağa məlumat verib.
Söhbət zamanı əməkdaşlıq perspektivləri, hər iki qurumun birgə reallaşdıra biləcəyi layihələr müzakirə olunaraq razılıqlar əldə edilib. Görüşdə müasir dünyada mövcud olan islamafobiya, radikal dini dünyagörüşləri də müzakirə edilib. Müzakirə edilən əməkdaşlıq imkanlarının əksini tapacağı memorandum layihəsinin hazırlanması barədə razılığa gəlinib.
Səfər çərçivəsində komitə sədrinin bu ölkənin həcc naziri ilə və başqa görüşləri nəzərdə tutulur.-05D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz