![Amnesty İnternational: Azərbaycan hakimiyyəti repressiyaları gücləndirir](https://turan.az/resized/media/2013/main/020700027488-750-500-resize.webp)
Amnesty İnternational: Azərbaycan hakimiyyəti repressiyaları gücləndirir
Azərbaycan hakimiyyəti İsmayıllı iğtişaşlarının təşkilində uydurma ittihamla həbs olunmuş iki müxalifətçini - Tofiq Yaqublu və İlqar Məmmədovu həbsdən azad etməlidir.
İğtişaşlar onların gedişindən bir gün əvvəl başlayıb və onlar İsmayıllıda vəziyyətin inkişafına nəzarət etdikləri vaxtdan sonra daha iki gün davam edib. “Siyasi motivli təqiblər göz önündədir”, - Amnesty International təşkilatının Avropa və Mərkəzi Asiya üzrə direktor müavini David Dias-Jojye bildirib.
İ.Məmmədov və T.Yaqublu onlar şəhərə gəlməzdən əvvəl və spontan başlayan iğtişaşların təşkilində ittiham olunaraq həbs ediliblər. İndiyədək prokurorluq həmin ittihamları təsdiqləyən hər hansı sübut təqdim etməyib. Onlara qarşı kütləvi iğtişaşların təşkilində iştirak və polisə müqavimət göstərmək ittihamları irəli sürülüb.
Vəkillərin sözlərinə görə, müttəhimlərin cinayət törətməsi və ya başqalarını buna təhrik etməsi ilə bağlı heç bir sübut təqdim olunmayıb. Onları 7 ilədək azadlıqdan məhrumetmə cəzası gözləyir.
İğtişaşlar yanvarın 23-də küçədə sərxoş vəziyyətdə olan yerli qubernatorun oğlu sakinlərə hücum edərək yerli əhalinin ünvanına təhqiramiz ifadələr işlətdikdən sonra baş verib. Camaat küçəyə çıxaraq şəhər qubernatorunun istefasını tələb edib, kommersiya obyektlərinə basqın edib.
Növbəti axşam müxalifətçi REAL (Respublika alternativi) təşkilatının lideri və 2013-cü ilin oktyabrında keçiriləcək prezident seçkilərinə namizəd İlqar Məmmədov İsmayıllıya gedib. Onun məqsədi iğtişaşlara gətirib çıxaran səbəbləri araşdırmaq, yerli hakimiyyətin reaksiyasını izləmək olub.
Müsavat Partiyası sədrinin müavini, jurnalist Tofiq Yaqublu hadisələri mətbuatda işıqlandırmaq üçün İsmayıllıya gedib.
“AŞPA Azərbaycanda siyasi məhbuslara dair qətnaməni dəstəkləməkdən imtina etdikdən sonra belə təhlükə var ki, ölkə hakimiyyəti prezident seçkiləri ərəfəsində özgəfikirliliyi daha sərt şəkildə boğacaq”, - Dias-Jojye vurğulayıb. -02D-
-
- İqtisadiyyat
- 7 Fevral 2013 11:07
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz