Azərbaycan neftinin Bakı-Novorossiysk kəməri ilə ixracının 30 dəfəyə yaxın azalması barədə bir sıra KİV-də yayılan məlumat yanlışdır, deyə ARDNŞ Marketinq və İtisadi Əməliyyatlar İdarəsində (MİƏİ) Turan-a bildiriblər.
Mənbə izah edib ki, MİƏİ öz hesabatında boru kəməri ilə neft nəqlini yox, limanlarda onun yüklənməsini qeydə alır. ARDNŞ-nin saytında yüklənən həcm barədə məlumatlar açıqlanır.
"Məsələ burasındadır ki, yanvarda 85 min tonluq bir tanker tutulub. Amma pis hava üzündən tanker yanvarın sonunda doldurulmağa başlayıb və fevralın əvvəlinə dolub. Ona görə liman sənədlərində yanvarın sonu üçün 2012-ci ilin yanvarı üçün olan 79 min 591 tona qarşı 2 min 629 ton yazılıb", - deyə ARDNŞ təmsilçisi bildirib.
Onun sözlərinə görə, fevralda ay qısa olsa da, yük həcmi əvvəlki göstəricidən çox olacaq.
Qeyd edək ki, 2012-ci ilin yekununda ARDNŞ Novorossiysk limanında 2 mln 64 min ton neft yükləyib. Bu, 2011-ci ildəkindən 76 min ton çoxdur. --12B--
İqtisadiyyat
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
-
El & En memarlıq şirkəti Şəhərsalma və Memarlıq Komitəsindən ümumi dəyəri 805,593 manat olan bir neçə müqavilə alıb. Bundan əlavə, Ərazi Tikinti Planlaşdırma Mərkəzi də həmin özəl şirkətdən bir neçə yüz min manat dəyərində layihələr sifariş edib. Bu memarlıq layihələri azad olunmuş ərazilərdə və Azərbaycanın digər bölgələrində görüləcək işləri əhatə edir. Bu şirkətin həmtəsisçisi isə oğlu ilə birlikdə Şəhərsalma və Memarlıq üzrə Dövlət Komitəsinin nəzdindəki İctimai Şuranın rəhbəri və eyni zamanda Memarlar İttifaqının sədri olan Elbay Qasımzadədir.
-
Azərbaycan Dövlət Neft Şirkəti (SOCAR) yanvarın 15-dən etibarən "yaşıl" istiqrazların buraxılışına başlayacaq. Bu barədə SOCAR-ın rəsmi açıqlamasına istinadən Turan məlumat yayıb.
Rəy yaz