Mətbuat-monitorinq 07.04.15

Rəsmi qəzetlər dövlət başçısı İlham Əliyevin Səudiyyə Ərəbistanına səfərinə dair xəbər və yazıları ilk səhifələrə yerləşdiriblər. 

“Azadlıq” qəzeti yaş senzi adı altında bütün dövlət qurumlarında kütləvi ixtisarlar aparılmasını manjetə çıxarıb.

Qəzet yazır ki, AXCP fəalı Saqif Qurbanovun ofisinə basqın edən polislər onu  “polisə müqavimət” adı ilə saxlayıb, Səbail məhkəməsi isə 25 sutkalıq inzibati cəza qərarı çıxarıb.

7 saylı həbsxanada rəhbərliyə etiraz olaraq məhbusun özünü doğradığını yazan qəzet Penitensiar Xidmətin bu haqda suallara savab vermədiyini  bildirir. 

Qəzetin yazdığına görə, Hesablama Palatası Tarif Şurasının səlahiyyətlərinin azaldılması, onun müxtəlif dövlət orqanlarına verilməsi kimi təkliflə çıxış edib.

Qəzet bir neçə idlir ki, Bakıda keçirilən “gül bayramı”na milyonlarla maliyyə vəsaiti sərf edilməsini ironiya ilə “gül kimi israfçılıq” kimi dəyərləndirir.

Ekspertlərə isnadən ölkənin xarici borcunun 5 milyard 81 milyon manat olduğunu yazan qəzet bunu hər vətəndaşın 540 manat borcu olması adlandırır.

Deputat Vahid Əhmədov 2015-ci ilin ikinci yarısından sonra manatın növbəti devalvasiyasının qaçılmaz olması xəbərdarlığı edib.

Ali Məhkəmənin sədri Ramiz Rzayevin fəaliyyətini dəyərləndirən ekspertlər “onun qədər pis işləyən ikinci Ali Məhkəmə sədri olmadığı” qənaəti ifadə ediblər.

“Ekspress” qəzeti mayın 10-da növbəti əfv fərmanı verilməsinə hazırlıq getməsi haqda xəbəri ilk səhifəyə çıxarıb.

Qəzet Hesablama Palatasının 4 rəsmi qurumda 17 milyon manatdan yuxarı yeyintiyə yol verilməsi haqda hesabat hazırladığını, sənədin Milli Məclidə müzakirəyə çıxarılacağını bildirir.

Neft Akademiyasında ciddi qanunsuzluqlar aşkarlandığını yazan qəzet 2 prorektor və dekanların cəzalandırıldığını bildirir.

“Exo” qəzeti öklənin hər vətəndaşının ölkənin saxlanması üçün gəlirlərinin 50%-ə qədərini xərclədiyini diqqət mərkəzinə çəkib.

“Novoe Vremya” qəzeti Korrupsiyaya qarşı bir qrup Avropa Şurası dövlətinin Azərbaycanda korruspiayaya dair məruzəsinin dərc olunmasını ön plana çəkərək, buna “Avropa Şurası müdrikləşib?” mövqeyi ifadə edir.

“Bizim yol” qəzeti “AZAL”, “Azərsu”, “Azəriqaz”, “Azəriişıq”, “Bakmetropoliten”, Rabitə Nazirliyi kimi rəsmi qurumların dövlət büdcəsinə 2.2 milyard manat borcları olmasını ilk səhifədə yerləşdirib.

Qəzet Sumqayıt şəhər icra hakimiyyətini tənqid edən şəhər sakini Anar Süleymanovu şəhər rəhbərliyinin ruhi xəstə adı ilə psixi dispanserə yerləşdirmək isətdiyini nəzərə çatdırır. 

“Yeni Müsavat” qəzeti dövlət başçısı İlham Əliyevin Səudiyyə Ərəbistanına səfərini önə çəkərək, bunu “ölkə iqtidarının “ərəb açılımı”” kimi dəyərləndirir.

İran-Qərb anlaşmasının Rusiyanın imperiya ambisiyalarını gücləndirəcəyini yazan qəzet bunu “Azərbaycana yeni təhlükə” adlandırır.

Bu il mayın 2-dən Bakı-Berlin aviaxəttinin işə düşəcəyini, Bakıda qiymətin 432 manat, eyni reyisn Tbilisidə 128 manat olduğunu, buna görə sərnişinlərin Tbilisi-Berlin xəttindən istifadəyə üstünlük verəcəklərini yazan qəzet bunu “AZAL-ın Bakı-Berlin reysinin indidən fiaskoya uğraması” kimi dəyərləndirir.