SOCAR Rusiya tərəfinin Bakı-Novorossiysk boru kəməri üzrə neft nəqlinin tariflərinə yenidən baxmasını normal hesab edir, deyə Dövlət Neft Şirkətinin (SOCAR) prezidenti Rövnəq Abdullayev jurnalistlərə bildirib.
O deyib ki, hazırda SOCAR bu boru kəməri üzrə neftin nəqlini kommersiya şərtləri əsasında həyata keçirir: "Əvvəlki hökumətlərarası saziş digər şərtləri nəzərdə tuturdu. Lakin sonra Rusiya bu sazişin dayandırılması barədə qərar qəbul etdi və biz kommersiya şərtləri əsasında yeni müqavilə imzaladıq. Onların fərqi yeni sazişlə daha ucuz qiymətlərin nəzərdə tutulmasından ibarətdir. Rusiyada rublun devalvasiyası ilə bu şərtlər bizim üçün az qala iki dəfə sərfəli oldu".
R.Abdullayev əlavə edib ki, Azərbaycan tərəfi Bakı-Novorossiysk boru kəmərini strateji istiqaməthesab edir.
"Azərbaycanın nefti dünya bazarına çıxarmaq üçün 3 marşrutu var, ona görə neft ixracı ilə bağlıproblem yoxdur", - deyə o bildirib.
Əvvəllər "Kommersant" qəzeti yazmışdı ki, "Transneft" Bakı-Novorossiysk boru kəmərinin və Şesxarisdəki neft bazasının təmiri üçün vəsait axtarır. Şirkət artıq Azərbaycan neftinin nəqli tarifinin 30% artırılmasını tələb edir. Bu istiqamət rublun devalvasiyasından sonra daha əlverişli olub. Dollar ifadəsində neftin 1 tonunun nəqli $10,2-a başa gəlir. BTC üzrə bu göstərici $44,4-dır. "Transneft"də əmindirlər ki, tarif artımı nəticəsində nəql həcmi azalmayacaq. Tarif Şurası 7 apreldə məsələyə baxacaq.
Azərbaycan 1997-ci ildən neftini Bakı-Novorossiysk boru kəməri ilə nəql edir. Hökumıətlərarası sazişə əsasən, Azərbaycan 1 ton neftin TF ərazisindən nəqli üçün $15,67 ödəməlidir.
2014-cü ildən Novorossiysk limanından 932,155 min ton SOCAR nefti yüklənib.–12D--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz