![Mətbuat-Monitorinq 07.07.15](https://turan.az/resized/750/500/resize/media/2015/main/070700122274.jpg)
Mətbuat-Monitorinq 07.07.15
Rəsmi qəzetlər hələ də Avropa Oyunları ilə bağlı mövzuları ilk səhifələrdə yerləşdirirlər.
Bundan əlavə, dövlət başçısı İlham Əliyevin Quba rayonunun Rustov-Xanəgah-Gürdəh, Rustov-Nüydün-Şuduq, Rustov-Məckəxacə,Rustov-Bağçalı-Yekdar avtomobil yolunun çəkilşi üçün 8 milyon manatın ayrılması haqda sərəncamının mətni də rəsmi qəzetlərdə yer alıb.
“Azadlıq” qəzeti Telemexanika zavodunda ölüm və ağır xəsarətlərlə müşayət edilən partlayışı manjetə çıxarıb.
YAP dövlət başçısının qızı Leyla Əliyevanın builki parlament seçkilərində namizəd olaraq seçkilərə qatılacağını bildirib.
Rusiyanın ilk milyarderlərindən German Sterliqov bütün varidatını sataraq Qarabağa köçür, Ruisyanın Azərbaycan səfirliyi isə bu addımı şərh etmir.
Beynəlxalq Bank üstündə mövqe savaçı getdiyini deyən ekspertlərə görə, bu savaşı bankın özəlləşməyə hazırlaşmasının anonsu kimi də qəbul etmək olar.
Qəzet rəsmi Bakı ilə münaqişə halında olan baş nazirin keçmiş müavini Abbas Abbasovun daha bir qardaşı Həmid Abbasovun həbs oluna biləcəyini yazır.
Qəzetə görə, dünən günoprtadan etibarən ölkədə “Skype” İnternet proqramının fəaliyyətində ciddi problemlər yaranıb və bu, əksər İnternet provayderlərinin şəbəkəsində müşahidə edilir.
“Ekspress” Azərbaycan XİN-in Rusiyanın Ermənistana verdiyi 200 milyon dollarlıq güzəştli silah ayırmasını yoxladığını önə çəkib.
Məktəbli formalarının bahalaşacağını yazan qəzet ekspertlərə isnadən bahalaşmaya səbəb kimi forma tikilişinin Bakı Tikiş Evinin inhisarında olmasını göstərirlər.
Qəzet çimərliklərə yalnız daxil olmaq qiymətlərinə toxunaraq həftə əvvəlində 16-18 manat, həftə sonu isə 20-30 manat olduğunu nəzərə çatdırır.
“Exo” messencerlər üzündən Azərbaycanın mobil operatorlarının 1,5 milyon manat itirdiklərini diqqətə çəkir.
“Bizim yol” Telemexanika zavodundakı partlaışla bağlı xəbəri ilk səhifəyə yerləşdirib.
Yerli ekspertlər Yunanıstan böhranının Azərbaycana təsiri kimi neftin qiymətinin ucuzlaşmasını və avroda olan ehtiyatların dəyərsizləşməsini göstərirlər.
“Yeni Müsavat” Yunanıstanı Avropa önündə bitirən ən əsas səbəb kimi Kremllə dost olmasını göstərərək ilk səhifəyə çıxarıb.
Qəzet yazır ki, Heydər Əliyev Fondu qurumun vitse-prezidenti Leyla Əliyevanın deputatlığa namizədliyini irəli sürəcəyi haqda yayılan xəbərləri əsassız adlandırır.
Qəzet rəsmi Bakı ilə münaqişədə olan baş nazirin kerçmiş müavini Abbas Abbasovun “yaxın adamı” deyə təqdim etdiyi Fuad Abdullayevin Beynəlxalq Banka sədr gətiriləcəyini bildirir.
Bakıda mənzil tikintisi adı ilə ortaya çıxan “İdeal-inşaat” adlı qurum vətəndaşlardan pul alsa da binanı təhvil vermək fikrində deyil.
-
- Siyasət
- 7 İyul 2015 12:11
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz