Ermənistan neft məhsulları alıb - satır

Yerevan/ 06.07.14/Turan- Armİnfo: 2014-cü ildə Ermənistan neft məhsulları ixracatçısına çevrilib. Belə ki, ondan əvvəlki illə müqayisədə ölkədən neft məhsullarının çıxarılması on dəfələrlə artıb. Ermənistan Gömrük Xidmətinin məlumatlarından belə nəticəyə gəlmək olar.

2014-cü ildə neft məhsullarının ixracının həcmi pul  ifadəsində $242,5 min təşkil edib (2013-cü ildə  $13,2 min olub). Bundan əlavə, Rusiyadan idxan edilən neft məhsulları 223.3 min ton (68,7%) təşkil edib (2013-cü ildə bu göstərici 98.3 min ton olub). Neft məhsulları İrana 192.5 ton (51%) və Gürcüstana 185.5 ton (49%) ixrac edilib.

Ermənistandan neft məhsullarının ixracı ilə bağlı vəziyyət qəribə görünür, çünki bu ölkənin öz nefti yoxdur, lakin neft məhsullarının gömrüksüz nəqli barədə hökumətlərarası saziş var.

2014-cü ildə Ermənistan saziş çərçivəsində 45 ton odluq mazut, reaktiv mühərriklər üçün yanacaq - 47 min ton, dizel yanacağı - 144 min ton, bitum istehsalı üçün neft qudronu – 25 min ton, benzin 136 min ton, sürtkü yağı – 390 ton alıb.

2015-ci ildə Ermənistan 136, 2 min ton avtomobil benzini alacaq. Bunun120 min tonu Rusiya istehsalıdır. Bundan əlavə, 150 min ton dizel yanacağının alınması nəzərdə tutulub (Rusiya istehsalı), reaktiv mühərriklər üçün 47 min ton yanacaq (8 min tonu Rusiya istehsallı), həmçinin 29,2 min ton neft qudronu (Rusiya istehsalı) alacaq.

Qeyd edək ki, 2013-cü il 2 dekabr tarixli Ermənistan-Rusiya hökumətlərarası saziş məhsulların təkrar ixracını nəzərdə tutmur.02D-