Mətbuat-Monitorinq 07.11.13

Rəsmi və iqtidaryönlü qəzetlər dövlət başçısı İlham Əliyevin Xızı rayonunun sosial inkişafı üçün 3 milyon manat vəsaitin ayrılması haqda imzaladığı sərəncamn mətnini ilk səhifəyə çıxarıblar. 

Bundan əlavə, bu qəzetlər İlham Əliyevin yenidən dövlət başçısı postunda qalması ilə bağlı ayrı-ayrı ölkələrdən gələn təbrikləri dərc edirlər. Bu qəzetlərin daha bir mövzusu “radikal müxalifət”in “darmadağın olmaq ərəfəsinə” gəlib çatması haqda yazılardır.

“Yeni Azərbaycan” qəzeti maliyyə naziri Samir Şərifovun enerji və kommunal xərclərlə bağlı tariflərin arta biləcəyi bəyanatını səsləndirməsinə baxmayaraq, bunu “radikal müxalifətin tariflərin artırılması ilə bağlı yalan məlumatları dövriyyəyə buraxaraq ictimaiyyəti aldatması cəhdləri” kimi dəyərləndirir.

“Azadlıq” Böyük Britaniyanın baş nazirinin Əliyevə məktubunun qalmaqala səbəb olduğunu manjetə çıxararaq “prezidentin rəsmi saytına yerləşdirilən məktbub az sonra niyə çıxarılıb?” deyə qalmaqalın mahiyyətinə toxunur. 

“Avropa Sabitlik Təşəbbüsü” təşkilatı Azərbaycanda prezident seçkilərinə dair hesabatında “ATƏT nümayəndələrinin Azərbaycandakı seçkilərdə gördükləri indiyə qədər müşahidə edilən seçkilərin ən pisidir”rəyi əksini tapır.

Ağır maliyyə durumunda olan “Azadlıq” qəzetini qorumaq çağırışı edən Əli Kərimli bunu “cəmiyyət üçün növbəti sınaq” adlandırıb. Bakı metropoliteninin rəisi Tağı Əhmədov “Azadlıq” qəzetinin hissə-hissə ödəməli olduğu cərimə məbləğini birədəflik ödəməyi tələb etməsini qəzet “T.Əhmədovun razılaşmanı pozması” kimi dəyərləndirir. 

Keçmiş deputat Gültəkin Hacıbəyli “Azadlıq” qəzetinə hücumları rəsmi Bakının qəzetə qarşı “səlıb müharibəsi” kimi dəyərləndirib. 

Bakı məktəblərinin reytinq cədvəlində Pirşağı, Əmircan, Hövsan və Zabrat məktəbləri sonuncu yerləri tuturlar.     

“Zerkalo” Qarabağ münaqişəsinin dinc yolla tənzimlənməsi məqsədilə   Azərbaycan və Ermənistan dövlət başçılarının gözlənilən görüşünün əhəmiyyətsiz olmasını “ Kremlin önündə sadə məsələ durur-sülh razılaşmaları əldə olunmasına yol verməmək” mövqeyilə izah edir. 

Qəzet ötən 9 ay ərzində ölkə ərazisində 843 kiloqram narkotik maddənin aşkarlanaraq məhv edildiyini yazır. 

“Ekspress” maliyyə naziri Samir Şərifovun “kommunal xərclərin artması fövqəladə hal deyil” və “tariflər artırıla bilər” o demək deyil ki, sabah tariflər artacaq” ziddiyyətli bəyanatlarını ilk səhifəyə çıxarıb.

“Novoe Vremya” ölkədə enerji və kommunal xərclərin qiymətlərinin artırılması haqda mülahizələrə “Azərbaycanda qiymətlərin artması və ya terapiyasız şok” ironiyası ifadə edir.  

“Bizim yol” ekspertlərə istinadən ölkədə korrupsiya və inhisarçılığın miqyası azaldılmadığı halda qarşıdakı 3 ildə Azərbaycanı “sosial insult” yaxalaya bilər” xəbərdarlığını edir. 

Qəzet fəaliyyəti 4 ildən çoxdur ki, dayandırılan Beynəlxalq Universitetin Dağıstan filialında təhsil almış 4700 tələbəyə diplom verilməsi və ya başqa ali məktəbə köçürülməsi məsələsinin hələ də həllini tapmadığını bildirir. 

Ekspertlər Müdafiə Nazirliyi sistemində kadr dəyişikliklərini “keçmiş nazir Səfər Əbiyevin kadrlarının repressiyaya məruz qalmaları” kimi dəyərləndirirlər.

“Yeni Müsavat” Avropanın Azərbaycanın Kremlin layihəsi olan “Avrasiya İttifaqı”na qoşulması tövsiyəsini ilk plana çıxararaq bunu “qlobal güclərin Azərbaycan üçün təhlükəli oyunu” adlandırır. 

Ölkədə enerji və kommunal xərclərin qiymətlərinin artırılması haqda mülahizələrə deputat Vahid Əhmədov “buna ehtiyac yoxdur”  cavabını verib. 

Ekspertlər isə xərclər artırıldığı halda benzinin 80 qəpik, qazın kubmetrinin 150 manat ola biləcəyi barədə xəbərdarlıq edirlər.